壽星女袁詠儀（靚靚）前晚與老公張智霖舉行生日派對慶祝42歲生日，圈中好友紛紛到賀，當中急趕到場的郭富城原本心情大靚，但提到近期關於他的報道時，記者未提緋聞女友葉熙祺，他即一臉不悅說：「唔使問喇，唔好問喇！」反觀談到送禮物給靚靚卻講到笑騎騎。
當城城知記者想問其感情事時，他即變臉說：「唔使問喇，唔好問喇！」
靚靚前日42歲生日，晚上她撇下囝囝，與老公張智霖於上環食肆舉行生日派對慶祝，好友郭富城、沈嘉偉及老婆邱淑貞、伍詠薇、蔡一智夫婦、蔡一傑、周汶錡與周麗淇兩姊妹等，紛紛現身派對與壽星女慶祝，郭富城則於十一時許乘的士趕到。
風騷翹埋雙手
與葉熙祺傳緋聞鬧得熱烘烘的城城原本心情大靚，於車上見到記者已揮手打招呼，下車後更笑笑口。但當記者問有關近期他的報道時，未提到葉熙祺，城城即收起笑容與女方劃清界線，更煞有介事地表示：「唔使問喇，唔好問喇！」不過當問他送了甚麼禮物給壽星女時，城城又變臉，更四萬咁口說：「我啱啱喺北京返嚟，一落機就即刻過嚟。（送咗咩禮物？）成班朋友夾錢囉。」
當記者叫張智霖咀老婆，前者即擘大個口，表情趣怪。
城城落的士時笑容滿面。
至於葉熙祺對城城與她劃清界線，經理人指她仍於台灣工作，因找不到她而沒有回應。而葉熙祺昨日在微博上載風騷照片，相中的她翹埋雙手，儼如勝利者一樣，看來她未有因城城言論而影響心情。
邱淑貞離開時笑晒口，相信之前玩得好開心。
周麗淇搭實張智霖與靚靚影合照。
壽星女拒咀嘴
壽星女靚靚與友人盡興至凌晨約一時才離開，張智霖與手持大紮鮮花的靚靚步出，企定定讓記者拍照。當記者起哄叫他向太太送吻時，靚靚聞言即說：「唔好喇啩！」之後急急腳先行上車。問張智霖送了甚麼禮物給老婆？他說：「冇呀，收到朋友祝福就夠。（送呢餐飯？）呢餐朋友送嘅，一齊就最好，唔一定要物質。（囝囝送咩？）送錫錫畀媽咪，佢仲畫咗張卡。」
文、
From:
http://orientaldaily.on.c ... /00282_006.html
