林峯銳意成立公司大展拳腳，飛起無綫肥水不流別人田，同樣跟無綫關係密切的曾志偉，由其揸弗的「愛．好娛樂」也已開業，據知志偉跟苗僑偉夫婦合作搞公司，除投資製作電影和演唱會外，還成立經理人部門，消息指頭炮豪擲八位數簽張衞健助陣，雖然志偉想簽陳法拉，但據知法拉會簽給陳慧琳的經理人鍾珍。
昨本報記者致電張衞健求證，他口密說：「志偉由細睇到我大，大家有偈傾，如果佢搵我，都有興趣傾吓。」愛．好娛樂總監林偉漢則承認斟張衞健加盟，他說：「大家傾得好愉快，佢好耐冇拍電影，公司會幫佢接戲同出碟。」演唱會製作方面，12月將在灣仔伊館為阮兆祥舉行入行25周年紀念騷。
from:
http://hk.apple.nextmedia ... 130912/18419131
