劉嘉玲之前出席公開活動時，講過投資老公梁朝偉嘅回報好高，不過自從有傳周迅同謝霆鋒撻着之後，就有雜誌食住上話偉仔有份爭周迅，最新嘅報道仲話偉仔壓力爆煲，搞到同嘉玲冷戰，仲話嘉玲用「煩」音不停用電話check住偉仔行蹤喎。嘉玲同偉仔嘅經理人公司澤東就話，唔會回應佢哋嘅私人事，不過前晚見到嘉玲食飯嘅時候，確係不停㩒手機。
坐當眼位任望
前晚大約8點鐘，盛妝嘉玲着到靚一靚同女助手、細佬等一行五人去咗尖沙嘴興記食避風塘炒蟹。雖然身為公眾人物，不過嘉玲依然冇避忌，坐喺近電梯位置嘅第一枱位，所以好多行過同等位嘅食客都見到佢。開餐其間，嘉玲已經攞住部Galaxy Note II不停㩒，到食完飯，佢㩒得仲專心同投入，似乎冷落咗同枱飯腳，就連記者近距離影相佢都唔知，唔知真係check住偉仔，定係貴人事忙，要睇住啲生意啦。
袁詠儀、李心潔同楊采妮巧遇餐廳老闆娘嘉玲。
微博圖片
偉仔同周迅爆出緋聞後，有傳同嘉玲冷戰。
周迅
其實嘉玲最近進軍飲食界，一連開咗幾間餐廳，所以佢忙係應該嘅。好似前晚咁，嘉玲食完飯就去咗自己間尖沙嘴餐廳巡吓，咁啱見到袁詠儀、李心潔同楊采妮幫襯。袁詠儀喺微博話好開心見到餐廳嘅靚靚老闆娘，仲放咗張合照㖭。
採訪、攝影：梁繼光、羅德光
from:
http://hk.apple.nextmedia ... 130912/18419089
