近年進軍飲食界的劉嘉玲，繼於上海開設酒吧後，昨日在港投資的餐廳及酒吧亦告開幕，不少名人明星盛裝捧場，老公梁朝偉則全天候現身撐場，更與嘉玲即場打情罵俏，大晒恩愛！為隆重其事，嘉玲更出動近半億私伙鑽飾，成為最閃爆女主角！
嘉玲是晚換上杏色露肩晚裝及另一批私伙鑽飾，與偉仔再於人前晒恩愛。
影后劉嘉玲近年強攻飲食界，在上海開設大型酒吧，生意理想，嘉玲昨日再下一城，一口氣在香港尖沙咀開設的兩間餐廳及酒吧同告開幕，不少名人明星紛紛盛裝捧場，場面星光熠熠！開幕活動分開日與夜，下午為開幕剪綵儀式，晚上則為派對，老公梁朝偉整天陪伴在側。嘉玲先以一身露背黑色長裙佩戴逾千萬卡地亞首飾出席剪綵活動，記者笑問她是否全力進軍飲食界？她風騷地說：「唔係，可以同步進行，生活經驗愈多，對演戲都有幫助。（投資咗幾多錢？）唔講得。（新聞稿話7位數？）唔止。」暗示投資高達8位數字！偉仔與嘉玲一起受訪時，自言沒有合資，並自嘲不懂投資：「我好蠢，淨係識得做戲，唔識投資，所以只係會買磚頭當儲蓄。」記者指他賺錢給太太投資？嘉玲即搶答：「係我私己錢，佢真係咩都唔識。（依家會唔會少咗時間陪偉仔？）佢都好忙，我唔會淨係專注做生意，會繼續拍戲。」記者再問到其無名指上的巨型鑽戒是否偉仔送給她？她即作狀收起雙手說：「唔使，佢嚟已經係好大嘅支持！」對於偉仔自嘲不懂投資，那財政大權豈不都在嘉玲手上？她直認：「係呀，基本上喺我手！」認真羨煞旁人！
安排「大爺」試菜
早前偉仔與周迅傳出緋聞，有報道指嘉玲常常check偉仔行蹤，嘉玲聞言反問：「你覺得呢個係（事實）嚟o架咩？我咁忙。」至於可有給偉仔試菜？嘉玲笑言待餐廳上軌道就會安排給「大爺」試菜，偉仔聽罷即搞笑地「嘩」了一聲，說：「咁講？今晚試。」公然大耍花槍！嘉玲又自爆有諗過投資電影：「不過電影牽涉仲多，又發行、又剪片，等我有準備先。」情緒高漲的她自稱已有最佳男主角、製片及導演，那她自己就是最佳女主角嗎？她謂如果觀眾不嫌棄，會繼續演下去。
夜
巨鑽名錶壓場
日
千萬豪飾裝身
大露背的嘉玲加上閃鑽，艷光四射。
出動半億鑽飾
晚上，嘉玲換上一襲杏色露肩晚裝及另一批私伙鑽飾，她笑指鑽飾都屬「小兒科」，平日甚少佩戴，只於「大日子」才會出動。廿四孝老公梁朝偉繼續全程護駕，問嘉玲是晚會否不醉無歸？她笑說：「睇吓飲到幾多？開咗酒吧之後反而唔係好飲得。」有偉仔在旁，相信嘉玲絕無後顧之憂，定可盡興而回呢！
放大圖片
放大圖片
偉仔放假半年損失逾億
梁朝偉一向都是票房保證，他跟章子怡主演的《一代宗師》早前於美國上映，票房不俗，截至9月10日該片票房共錄得517萬美元（約四千多萬港元），成績相當不錯！由於去年偉仔一口氣拍了3部電影《大魔術師》、《聽風者》及《一》片，故今年6月至年底，偉仔便展開悠長假期，暫不接戲。據知，為了成就偉仔這半年的假期，經理人公司幫他推掉多部電影，酬金逾億！記者就此事致電偉仔所屬的公司澤東，其發言人表示：「今年嘅戲真係接唔到，不過，我哋依家都睇緊劇本，下年再決定。」
from:
http://orientaldaily.on.c ... /00282_001.html
