城城郭富城以為徐子淇年紀好大

千億新抱徐子淇昨日以「智行基金會親善大使」身份，與郭富城到尖沙嘴出席慈善活動，二人甫見面即講個不停，事後30歲的子淇接受訪問時爆料：「城城話我保養得好，我讚佢保養得仲好啦，佢以為我生咗三個小朋友年紀好大，其實我好細咋！」

原來子淇未曾跟城城合作過，她甚少跟歌星合作，只是拍過陳奕迅的《K歌之王》MV。提到該MV，子淇又自爆笑料：「有日朋友喺屋企唱K，點咗《K歌之王》，俾個女認到我，佢好愕然問點解媽咪喺入面！我冇預計會見到自己，個女仲問個男人係邊個，我老公（李家誠）話係爸爸，個女咪話唔似囉。」後來子淇向女兒解釋，那是媽咪年輕時工作拍下的，她坦言：「好彩以前從冇拍過啲攬攬錫錫嘅鏡頭，否則好尷尬！」

徐子淇與城城傾個不停，相當投契。

城城昨日於尖沙嘴出席活動時，展示小時候相片（小圖）及近照。

想揀天然女友

至於同樣保養得宜、47歲的城城，大讚子淇生完三個小朋友後，連一條皺紋都沒有，可謂天生麗質。問到揀女友是否要後生又皮膚好？城城即落閘：「自己嘢唔講，講番工作。」原來他亦注重護膚，認為心情不佳對皮膚影響甚大，他年前拍攝苦情電影《最愛》後，就花了一年靠機器修護皮膚，那他可接受整容女？城城笑說：「I like姜文style！𠵱家搵天然嘅女仔唔易，我唔歧視整容，但唔會，如緣份到，我都望女友係天然嘅。」另外，談到王菲離婚，城城指每個人做決定必有原因，問到是否不婚主義？城城說：「我同工作結咗婚！」

大會展示林青霞（右圖）及陳豪的童年照。

from:http://hk.apple.nextmedia ... 130918/18427495

育有三名子女的「千億新抱」徐子淇，昨日被天王郭富城大讚是皮膚最好的太太，臉上一條紋也沒有，天生麗質。城城還表示只愛天然美，而心目中的女神就是紅姑鍾楚紅。

徐子淇皮膚好，難怪被讚天生麗質。

昨日郭富城與徐子淇一同出席Sulwhasoo慈善活動，二人言談甚歡。他透露跟子淇大談護膚心得：「我讚佢皮膚好，雖然已經有三個小朋友，但一條紋都冇，佢係我見過keep得皮膚最好嘅太太，天生麗質！」記者指戀愛中的人有滋潤特別容光煥發？城城即笑說：「冇諗呢樣嘢，我覺得自己做演唱會時狀態最正，最重要係心境開朗。」

大家年紀差不多
問到會否整容時？他連講六次no：「I like姜文style，佢之前話好難搵女主角，因為想揀天然，我都鍾意天然美，好似鍾楚紅咁，佢係我心目中女神，可惜佢唔拍戲，我寫緊劇本，寫完畀佢睇吓，希望佢會考慮！（想佢做咩角色？）梗係做我partner，佢同我年紀差唔多。」城城稱擇偶條件也要天然不可加工，不過內涵才最重要。對於王菲和李亞鵬離婚？城城稱不便評論；那他是否怕離婚才不婚主義？他笑說：「我已經同我嘅工作結咗婚，我嘅作品就係我嘅BB。」

城城視紅姑為心目中的女神。

鍾楚紅

子淇與城城大談護膚經。

曾拍MV女兒驚訝
被城城稱讚的子淇也不忘回敬說：「佢先keep得好，我諗佢以為我好老，因為我已經有三個小朋友，我同佢講我好後生就生BB，所以以我年紀皮膚係差唔多。」她笑言日前在家中唱卡拉OK時，剛好播放由她為陳奕迅擔任女主角的MV，令女兒大感驚訝：「我同佢講嗰陣係媽咪細個，跟住囡囡又問個男仔係邊個？我老公答係佢細個，但陳奕迅同我老公根本就兩個樣，搞到我個女好混亂。」子淇笑言幸好該MV沒有親熱鏡頭，亦從沒拍過親熱戲，否則不知如何向女兒解釋。
from:http://orientaldaily.on.c ... /00282_045.html