郭富城昨日於旺角朗豪坊出席電訊商宣傳活動，心情極佳的他冇時停，不過問到與葉熙祺的緋聞時即完全封口。自言愛新科技的城城自稱非低頭族，可會錯過葉熙祺的短訊？他只說：「冇喇，過咗去喇！」可有收過情慾短訊？他笑說：「冇喎，冇人傳畀我，我梗係冇傳畀人！」可會覺得好彩？城城即說：「冇啦，過晒去喇，唔再講喇！」據知城城有感與葉熙祺傳緋聞後，女方竟多次被影到在他家中出入，而葉熙祺更於受訪時高調大談感情事，因此城城決定飛甩她，二人近日已沒聯絡，戀情告終。
對於主演的《同謀》入圍角逐第56屆亞太影展，城城說：「入圍好大欣慰，《同謀》唔係一部好大製作，亦都冇得同偉仔（梁朝偉）或《一代宗師》比較，入圍已經打咗強心針。」
城城昨於旺角出席活動時心情大好，惟提到葉熙祺即封口。
（左起）陳貝兒、張智霖及楊采妮昨出席手機活動。
城城興起一展功架。
Chilam陪老婆旅行
張智霖（Chilam）昨同時間在中環出席手機活動，同場還有楊采妮、陳奐仁及陳貝兒等。雖然無綫劇《衝上雲霄ll》已播完，不過Chilam的Cool魔熱潮未退，繼續有大量工作，但他亦盡量陪家人：「過幾日同阿靚（老婆袁詠儀）去普陀山旅行，囝囝返學唔會去。」至於剛拍完電影《一個人的武林》的楊采妮暫時想休息。
採訪：魯萍、藍文浩
from:
http://hk.apple.nextmedia ... 130926/18437993
