林欣彤陳家樂一杯啡兩份飲

1^# 大中小 young 發表於 2013-9-27 14:36 發短消息

相關主題: 林欣彤

林欣彤同羅孝勇2010年因參加無綫《超級巨聲2》擦出愛火花，但上星期六林欣彤出席活動時，暗示三年情已玩完，仲有傳佢因失戀而傷心落淚。事實上又唔使太同啲後生仔擔心嘅，感情有時來得快去得仲快，據聞林欣彤已經開始咗下一段戀情，對象係英皇歌手陳家樂。

日前陳家樂喺銅鑼灣出席活動嘅時候，欣彤就專登同位女性友人去等佢收工。大概下晝3點鐘，林欣彤戴住口罩同位女友人喺禮頓道行街，佢哋先去咗附近嘅丹麥麵包店買熱狗同薯條，等攞嘢時已見佢行出門口講電話，嘴角掛住一絲絲笑意。之後佢一路行一路食，去到附近嘅Starbucks咖啡店前，見到欣彤不時回頭，原來陳家樂已做完活動會合佢哋。欣彤好開心上前會合陳家樂講個不停，心情興奮，仲一馬當先彈吓彈吓咁入咗咖啡店揀蛋糕同飲品。

林欣彤日前同英皇歌手陳家樂嘆咖啡，但欣彤一出門口就急不及待戴番口罩，怕畀人認出。

林欣彤遞自己杯咖啡畀陳家樂飲，非常親暱。

【糖黐豆】

噚日林欣彤勁舞谷新碟。

「好多人疼錫我」

三個人搵咗個角落位坐低，拉低口罩嘅欣彤一輪嘴咁同陳家樂講嘢，仲將自己飲過杯咖啡遞畀對方飲，感覺好似小情侶，而位女友人都好識做，成日行開造就二人世界。佢哋坐咗半個鐘離開，上咗架的士去天后。林欣彤噚日為新碟《District23》宣傳，佢話：「感受到好多人疼錫我，幫忙我，我改變咗好多。」唔知當中有冇陳家樂份呢？

採訪、攝影：楊浩賢、吳耀輝
from:http://hk.apple.nextmedia ... 130927/18439463

廷伸閱讀/相關主題推介:

相關主題:林欣彤

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2013-9-27 17:28 發短消息

林欣彤成羅致目標

無綫「巨聲幫」一眾歌手自《超級巨聲》比賽完結後，各自受不同唱片公司睇中簽約，林欣彤（Mag）和馮允謙簽約英皇，許廷鏗與胡鴻鈞則加盟星煥。由於無綫開設唱片公司，故上述歌手很可能成為羅致目標。英皇高層吳雨昨接受電話訪問，他指旗下歌手鄭嘉穎、林峯、Mag及馮允謙都有TVB經理人合約，但全部未約滿。問擔不擔心TVB要人？他說：「咁個權的確喺TVB度，但同佢哋一向合作愉快，等個合約到期先再處理。」星煥老闆何哲圖亦稱今年已與鍾嘉欣、許廷鏗、胡鴻鈞續約，並且強調一直與TVB合作愉快。

林欣彤與男舞蹈員大跳貼身舞。

另外，Mag昨日舉行新碟發布會，獲吳雨和TVB高層樂易玲分別贈送金牛和巨型金蛋，寓意Mag繼續努力工作和新碟大賣。Mag於台上獻唱最新跳舞快歌《番梘》，做出高難度動作，保險公司即場向她頒贈價值一千萬的星級保障，提供她今年至明年的演出保險。

許廷鏗
From:http://orientaldaily.on.c ... /00282_003.html

TOP

3^# 大中小 young 發表於 2013-9-30 11:09 發短消息

林欣彤否認新戀情

林欣彤（Mag）噚日喺沙田做新碟簽唱會活動，同羅孝勇分手冇耐嘅佢，日前被影到佢同英皇嘅陳家樂一齊嘆咖啡，仲要一杯兩份飲㖭！阿Mag解釋：「嗰日唔只得我哋兩個，我好為食，好鍾意試人哋啲嘢食，見人哋杯飲品都想試一口，陳家樂杯飲品我試咗先到佢自己飲，佢飲我口水尾，所以我冇所謂。」當然阿Mag最後都係話同家樂係朋友。
from:http://hk.apple.nextmedia ... 130930/18443384

TOP

4^# 大中小 young 發表於 2013-9-30 11:45 發短消息

林欣彤肚懷大痣唔捨得脫

歌手林欣彤（Mag）昨日以露臍裝出席新碟簽唱會，吸引過百歌迷捧場，由於肚臍附近長有黑痣，問到為何不脫走？Mag說：「唔得，佢陪咗我成世同有感情。」

林欣彤表示與陳家樂和羅孝勇只是好朋友。

對於本報獨家披露無綫將開辦唱片公司，Mag說：「有聽過傳聞，但唔會主動問公司。（簽無綫唱片公司？）唔知，只要有好音樂都會考慮。」由於她與英皇是一年一碟約，快將約滿的她問到會否續約英皇？Mag說：「好滿意依家嘅合作，畀好大自由度我。」至於被拍到與英皇藝人陳家樂行街、食飯，Mag說：「大家只係朋友。（同羅孝勇分咗手？）大家都係朋友。」並承認沒有再上羅孝勇寓所。

過百名歌迷出席林欣彤的新碟簽唱會。
from:http://orientaldaily.on.c ... /00282_039.html

TOP

5^# 大中小 young 發表於 2013-10-2 12:17 發短消息

林欣彤戥陳家樂慘

林欣彤被本報拍到與陳家樂行街。

曾患情緒病的林欣彤（Mag），最近傳出與羅孝勇分手，又被本報拍得與英皇歌手陳家樂逛街兼共享一杯咖啡。昨有雜誌指Mag因被羅孝勇嫌棄有情緒病，二人不時吵鬧才分手，又指有朋友欲做和事佬但不果，此時陳家樂乘虛而入，常約Mag去街奪芳心。

但報道又指陳家樂對Mag不夠認真，不肯認情侶身份，令Mag覺得被玩決心攤牌，而Mag一直住在羅孝勇以4萬元月租的紅磡海灣軒，也因分手而棄租，Mag要搬回大埔居屋。Mag昨表示一向跟家人同住大埔，又否認被陳家樂騙感情，她昨在電話中笑言：「唔知點解咁寫，寫到佢咁衰好慘呀，我冇乜所謂，因為啲相唔係影得我太醜。」她表示與陳家樂、羅孝勇都是好友，依然會約飯敍。
from:http://hk.apple.nextmedia ... 131002/18445977

TOP

6^# 大中小 young 發表於 2013-10-4 14:39 發短消息

陳家樂唔排除戀Mag林欣彤

林嘉華、陳家樂、「柒良」蔡瀚億同唐寧噚日喺九龍灣宣傳港台劇集《總有出頭天》，即場示範砌磚同爬棚架。對於被傳同林欣彤（Mag）拍拖，陳家樂話：「同佢係好朋友，識佢兩年嚟都有合作過。當日只係佢好有心咁幫我預祝生日。」有冇發展可能？佢話：「唔諗住，想專注工作先。好似拍呢套劇，為咗克服畏高，要學十米高台跳水。」
from:http://hk.apple.nextmedia ... 131004/18448827

TOP

7^# 大中小 young 發表於 2013-10-4 18:10 發短消息

陳家樂慶生被指呃感情

藝人林嘉華與唐寧、英皇藝人陳家樂、組合Super Girls成員Yanny等昨日出席電台劇集的開鏡儀式，陳家樂在劇中演一名搭棚學徒，劇中他要跳水克服畏高，又要學揸電單車挑戰難度。

演搭棚學徒的陳家樂（右），與林嘉華出席新劇記招。

對於他與同公司的歌手林欣彤傳緋聞，更有指他欺騙對方感情，他解釋：「我覺得好莫名其妙，同佢識咗兩年，係好朋友，佢只係幫我提早慶祝生日，估唔到會咁樣寫。」

唐寧認為用自己的語言受訪是好事。

而無綫舊將林嘉華則希望政府能盡快引入更多平台，才可令香港娛樂圈發亮。唐寧則表示藝人可在不同媒體曝光，用自己慣用的語言是好事。
from:http://orientaldaily.on.c ... /00282_020.html

TOP