舞王郭富城化身車王，出征澳門，參加第60屆澳門大賽車的「奧迪R8 LMS CUP賽」，前日排位賽時已發生輕微碰撞，未影響城城昨日的決心。昨晨10時半，城城駕駛88號戰車參加第十一場賽事，落場時雖有微雨，路面濕滑，但城城表現甚佳，可惜到第八圈駛經葡京彎時，於彎位跣胎撞向左邊防撞欄，未幾尾隨的女車手李冉收掣不及撞向城城戰車的右邊車尾，城城戰車頭車尾都受損，幸好人沒受傷，但卻無奈退出。
馬清揚奪冠
退出比賽後，城城在工作人員引領下安全離開賽道，其間揮手示意並未受傷，之後即返回車房與外籍工作人員重看比賽錄影，城城看得手舞手足蹈，當看到自己出錯時忍不住大嗌：「Shit！」原來城城若在該場賽事有好成績，有望再奪非專業組季軍，可惜最終未能成事，而該組冠軍則由馬清揚奪得，其妻錢慧儀亦有到場支持。
郭富城昨日在澳門賽車遇上意外，肇事後，他揮手示意人無礙。
城城的戰車（左）撞欄後，再被尾隨的車撞向車尾。
撞車後，城城的戰車被吊離現場。
馬清揚勇奪非專業組冠軍。
賽後城城受訪時說：「喺天雨下作賽都幾挑戰，我唔係專業，會做啲蠢事，頭六、七圈都好順，爬咗兩架車頭，但落斜想追前面架車，冇為意收油，結果撞埋欄！原本當時可以救車，但後面有車撞埋嚟，冇得玩，好彩車身堅固，個人冇事。」說時難掩失望，問到明年會否繼續參賽？他坦言：「好難講，下年編排好要拍電影同做演唱會，未知可唔可以賽晒咁多場，但今次滿意成績，已盡力而為，同專業車手一齊玩，一生受用！」
採訪：馬建華、李湛穎
from:
http://hk.apple.nextmedia ... 131111/18502035
