心姐怒摑23巴，王浩信變「兜巴信」

噚晚集《法外風雲》可以話係「一個『兜巴信』傳奇」嘅誕生，話說呢集講王浩信上去鍾景輝嘅律師樓搞搞震，鍾景輝事後同謝雪心爆晒王浩信啲衰嘢，心姐忍唔住教訓王浩信，連續摑咗王浩信塊面23巴，真係「巴巴有力」，心姐摑完佢塊面，再喺佢身上打咗13下，前後王浩信被打36下，真係令王浩信激變「兜巴信」。

其實王浩信被摑早有前科，好似上年喺《名媛望族》入面，已經被劉松仁連環怒摑13巴，嗰陣王浩信又係演不孝子角色，有網民就話，無綫塑造嘅角色真係做開有條路呀，好似王浩信咁，俾人摑開嘅就繼續俾人摑；而宣萱次次拍劇都被綁架；石天欣就喺《仁心解碼II》及《巨輪》都有被姦戲份。
from:http://hk.apple.nextmedia ... 131112/18504406

王浩信前晚跟老婆慶祝結婚兩周年，昨日更為被摑片留言給心姐。微博圖片
王浩信早前在無綫劇集《名媛望族》被劉松仁摑到嘴都歪，成為全城熱話。前晚他在《法外風雲》中又再被人兜巴星，今次出手的是戲中演其母的謝雪心。

劇情講述鍾景輝踢爆王浩信吸毒及搞女人，心姐知道後無明火起，連續摑王浩信塊面23巴，破了劉松仁在《名》劇13巴的紀錄，而且「巴巴有力」打得非常狠。打完面，心姐還未有停下來，繼而狂打王浩信身體13下，前前後後王浩信被心姐打足36下，令他被封為「兜巴信」。

不過王浩信依然「孝義」，昨還在微博多謝心姐：「媽！辛苦你了！要忍受敢（咁）嘅衰仔！」心姐也在微博留言：「乖仔，媽咪打得你痛唔痛呀？」原來前日播出王浩信被摑，正是他跟太太陳自瑤結婚兩周年。當晚兩公婆打邊爐慶祝，邊食邊收看自己被摑的劇情，王浩信接受訪問時表示老婆沒有心痛，他說：「佢都係演員，所以明白係拍戲啫。」

王浩信前晚在無綫劇《法外風雲》中被飾演其母的謝雪心連摑23巴。

心姐繼續拍打王浩信身體，前後打足36下。

劉松仁在《名媛望族》中掌摑王浩信13巴的紀錄已被打破。電視圖片
法拉又煮麵

有網民統計過無綫塑造的角色好有連貫性，以王浩信為例，就負責被摑，宣萱次次拍劇都被綁架；石天欣先後在《仁心解碼II》及《巨輪》都有被姦戲。另外，前晚的《法》劇又有無綫劇經典情節，就是「煮個麵你食」，鍾景輝原本想煮麵食，但之後選擇食餅乾，不過同時間陳法拉出現，見鍾景輝想食餅乾，即說：「煮個麵你食啦！」未能打破食麵的宿命。
from:http://hk.apple.nextmedia ... 131113/18504984