劉嘉玲與鄧永鏘合資的生活家品店「鄧鄧鄧鄧」昨日在灣仔開幕，梁朝偉專誠來捧場，而鄧永鏘的好友姬蒂摩絲（Kate Moss）亦以嘉賓身份剪綵。身穿白色西裝外套的姬蒂匆匆來港捧場，雖然沒有接受訪問，但她見到現場的舞蹈表演，亦不禁扭動身體騷舞姿。嘉玲更大讚姬蒂：「好欣賞Kate Moss，係偶像，佢喺我心目中係No.1 style icon，有想法同風格。」嘉玲透露投資過千萬，在旁的鄧永鏘笑言會在英國及內地開舖：「要開到上市，快啲還錢畀到嘉玲。」
嘉玲大讚姬蒂是心目中的第一位style icon，兩人相逢即hug面，盡顯友好關係。
爆王菲行蹤
提到在無綫《最佳女主角》訪問中透露因拒接戲被綁架一事，嘉玲表示：「一直冇人提，我唔介意講，我就過咗，大家過唔到。」問到她想以跳樓解決，她表示：「我有諗過，當時唔知用乜方法，不如消失，嗰時好細個，經歷兩次對一個人係好大考驗，多謝件事令我堅強，可以話畀後生聽，冇乜過唔到，我都過到。」有指好友王菲搬回香港定居，在香港置了不少物業，她笑言：「佢買好多，我哋一齊買深灣9號，佢買嗰陣時都未發生事，佢成日都嚟香港住，買嘢整頭探朋友，香港係購物天堂。」
劉嘉玲開新店，偉仔當然來捧場，十分甜蜜。
姬蒂摩絲（右）手忙腳亂，為好友鄧永鏘與劉嘉玲的生活家品店剪綵。
新店「鄧鄧鄧鄧」位於灣仔和昌大押內。
from:
http://hk.apple.nextmedia ... 131117/18511328
