苟芸慧索爆巴西，郭富城爭咀

宅男女神苟芸慧正於巴西主持世界盃節目，日前她在當地睇演唱會時慘遭兩名巴西餓男獻吻，嚇得她急嗌唔好！她笑稱巴西有很多貌似其緋聞男友郭富城的靚仔，未知兩位餓男是否就是她口中的「巴西城城」？

身在巴西的苟芸慧自誇學了巴西柔術，可照顧自己。

世界盃今晚深夜開鑼，無線藝員苟芸慧及陳貝兒正於巴西為觀眾作直擊，不過，日前苟姑娘就險被「狼吻」。事發當日，苟姑娘在當地睇韓星演唱會，期間工作人員往拍攝韓星出場，剩下苟姑娘一人，此時兩名巴西男趁機上前搭訕，先問苟姑娘是否識英文，再猖狂說：「終於等到其他人行開曬！可唔可以畀兩個巴西之吻你？」嚇得苟姑娘即退後並大嗌「No」，幸好導演及時回來護花。

苟姑娘猶有餘悸說：「佢哋真係作勢要錫我，好在導演喺附近！」此行她又學習巴西柔術，此項搏擊需攬住對手，她不避忌與男女熊抱對戰，問學識武功是否不怕被博懵？她說：「係，有咩我我都應付到！」

苟芸慧日前與張秀文等在巴西睇騷，險被巴西餓男狼吻。

苟芸慧此行有幸與著名球證韋比見面。

黃曉明（左起）、譚凱琪、阿叻及李綺雯昨介紹無線的世盃節目。

藝人陪你睇世盃
昨日陳百祥（阿叻）率足球評述員黃興桂、李綺雯、譚凱琪及黃曉明等，在電視城出席《2014 FIFA巴西世界盃》拜神儀式，並與陳貝兒及苟姑娘以衞星視像對話。阿叻問苟姑娘有否被靚仔追？苟姑娘笑說：「叻哥你靚仔啲！」阿叻即說：「郭富城靚仔啲！」苟姑娘冧笑謂：「呢度好多巴西郭富城呀！」黃興桂表示熱捧巴西隊，阿叻以對方金句寸他：「巴西得兩個結果，一係贏，一係輸！」

此外，無線今晚11時35分出動近百位藝人參與四小時的《開幕森巴嘉年華》節目，主持包括鄭裕玲及曾華倩等，譚詠麟、李克勤及阿叻亦會撐場。
from:http://orientaldaily.on.c ... /00282_016.html

郭富城（城城）昨日出席護膚品活動，談到世界盃開鑼，他興奮地說：「捱眼瞓都要睇，我有好多球星都鍾意，例如C朗拿度啦，本身又好喜歡足球，之前因為腳傷停咗一年冇踢波。（捧邊隊？）葡萄牙、西班牙同阿根廷都鍾意，不過今年就爆冷睇好法國。」記者指其緋聞女友苟芸慧去了巴西做世界盃節目，他笑說：「我睇報道知，（佢話見到好多巴西郭富城？）阿叻（陳百祥）講笑啫，大家又敏感咗，（佢讚你靚仔？）多謝，有人讚梗係開心，（咁佢靚唔靚女？）梗係靚女啦！」此外，問到可有跟好友彭順聯絡？他說：「畀啲時間佢處理啦，佢都認咗錯，希望佢可以過渡到。」

城城指葡萄牙、西班牙、阿根廷都是他的心水球隊。

剛從上海回港的城城，擔任內地舞蹈節目的導師，而賽事即將進入最後階段，他與團體亦要上台表演。對於在節目中被批評國語不好，他大方地說：「慢慢進步緊o架嘞，我會虛心學習。」
from:http://orientaldaily.on.c ... /00282_006.html

苟芸慧於巴西繼續為無綫世界盃直擊，苟姑娘不但受本港男士歡迎，她的魅力更深深吸引外籍人士，繼之前被索吻及狼吻後，苟姑娘就連「喊樣」都引起西班牙記者注目，除被形容為喊得最靚的女仔外，更獲邀做訪問，片段更在上網播出！

穿上西班牙球衣的苟芸慧，除了在香港受男士歡迎外，估不到去到外國也甚受洋漢歡迎。

香港「宅男女神」苟芸慧電倒不少男士，原來她也很受外籍人士歡迎，現時於巴西採訪世界盃的她，日前更因一個「喊樣」吸引西班牙記者注意，更以「最靚的淚美人」為藉口，邀她做訪問，之後片段更真的放了上網，女神稱號名不虛傳。

苟姑娘接受訪問時說：「之前我好撐西班牙隊，喺佢哋輸波時，我失望到喊，點知畀個西班牙記者見到，佢話想訪問我，我初頭都好奇怪，原來佢讚我，話我係喊得最靚嘅女仔，之後嗰段片真係上咗網。」除了西班牙記者外，苟姑娘又接受過芬蘭及巴西記者訪問，說到她很受外國人歡迎，她笑謂：「我啲同事笑我，話喺巴西受歡迎，不如留喺巴西發展。我覺得只不過嗰刻咁啱撞到一個浪漫嘅西班牙記者啫！」苟姑娘首次以主持及記者身份到外地採訪，她坦言做了「記者」，才體會到做採訪很困難：「依家對記者真係多咗一份尊重！」

張智霖撐德奪冠
而現時世界盃進入八強階段，張智霖（Chilam）坦言對八強賽果意外，又讚尼日利亞或不少被視為弱隊的球隊都踢得好好，他今年看好德國奪冠。錢嘉樂也有留意昨日凌晨的兩場比賽，尤其比利時對美國，戰況激烈，只是美國把握不到才輸波。球員方面，他比較喜歡哥倫比亞的占士，認為他有球星格；而他最支持的球隊是巴西，希望決賽戲碼為巴西對荷蘭。黃翠如就覺得她所支持的巴西表現令人有點失望，希望組織能改善，她又覺得阿根廷很強，是巴西的強敵。

探訪世界盃的苟芸慧，到巴西反被各國記者追訪。

苟芸慧的喊樣獲西班牙記者青睞，訪問片段更放了上網。

苟芸慧
From:http://orientaldaily.on.c ... /00282_025.html