文詠珊（JM）與周汶錡（Kathy）昨日於中環出席周大福與forevermark合作的Magic Square系列發佈會，二人均穿上低胸裙性感現身，戴上50多卡鑽飾的JM身形明顯瘦削，現場更不慎露出膠紙與離罩。JM透露將到加拿大睇鑽石礦，自己將帶定彈藥到當地買鑽石，獎勵母親之餘亦送給自己作為新開始的禮物，她說：「啱啱開咗公司，有個新開始，要紀念嚇。」問到她是否因為忙於開公司致瘦？她說：「瘦咗5磅，呢排花時間籌備公司，冇得唞，去到加拿大會放幾日假，順便去美國探屋企人。」
完約自立門戶
提到JW因Amusic沒有出力捧她兼工作量不多而想解約？JM說：「一直以嚟同Leon（黎明）都好開心，每間公司做法唔同，apply落唔同藝人身上效果唔同，我一直同公司溝通好好，Leon好明事理同開通，我有乜都直接同佢商量，相信JW未必係咁意思。」雖然JM已跟Leon約滿，但她力撐舊公司給予很大的自由度，工作上處理得很好。
黎明掌管的Amusic曾力捧多位新人，可惜都未能走紅。
周汶錡透露有追看世界盃，分享全球的盛事。
JM（左一）與周汶錡（左三）昨日一同出席周大福活動，與一眾高層祝酒。
同場的Kathy表示收到最浪漫的禮物就是丈夫送給她的求婚戒指，但她當時卻相當鎮定，問到她是否年年收鑽戒？她說：「收過幾隻，唔係多少問題，係心，其實唔需要啲人送，自己都可以買，送嘅都係有意義，自己買唔可以好似買衫咁。」
from:
http://hk.apple.nextmedia ... 140617/18762371
