可嵐遭家暴，好友支持離婚

現年28歲的歌手可嵐，被揭遭結婚4年開日本餐廳的丈夫尤子威家暴，早前她接受本報專訪時，表示因為老公每日早餐喜歡飲一杯咖啡，所以決定學沖咖啡，更考牌成為人妻咖啡師，估不到，一切都是煙幕，為了維持一個完整的家，可嵐不時在微博上載一家親的生活照營造一個快樂的家庭，她對人歡笑背人愁的心情，真是苦不堪言。

為了老公去學煮咖啡，曾經一度以為可嵐家庭幸福美滿，怎料是表裡不一。

遭夾手扯頸報警

昨日有報導指可嵐家中不只一次發生家暴，警察亦曾經上門調停，最近一次還在上月初，可嵐被大門夾爆手，頸部有拉扯造成的傷痕，她為了兒子人身安全，終於忍無可忍決定離婚。因為可嵐昨日不在港，故安排今晚9時在尖沙嘴召開記者會，向公眾交代，可嵐亦透過WhatsApp回覆本報查詢是否開記招交代家暴事件，她回答：「Yes。」

可嵐為了兒子，亦避免家暴再次發生，決定離開，得到不少好朋友的支持，雨僑跟可嵐由08年新人開始認識，之後成為好朋友，對於可嵐的事，雨僑略有所聞，她昨日接受本報電話訪問時說：「其實大家都互相傾嚇感情，開心唔開心嘅嘢，嗌交嘅嘢一定會聽聞過，咁但係始終人哋家事唔會畀意見，不過我知道佢選擇要離開一個會傷害佢嘅人，咁無論佢決定係乜嘢，我都會支持佢。」

可嵐和雨僑同是08年出道新人，卻有不一樣的經歷。資料圖片
雨僑：條路唔易行

雨僑表示聞說可嵐開記招交代事件，她說：「我都略有所聞佢呢幾日會有啲嘢同公眾交代，但係無論係乜都好，我一定支持佢決定，因為喺我心目中佢都係一個好努力嘅人，佢又啱啱參加咗一個內地歌唱比賽，有個小朋友條路都唔容易行。」

雨僑仲話：「我自己唔係有好多嘢幫到手，但係一定會出力，如果佢需要任何化妝品，護膚品，我可以所有嘢都送畀佢，不過呢啲嘢可能對佢來講未必係太重要，希望佢保持正面。」
from:http://hk.apple.nextmedia ... 140711/18795570

歌手可嵐被指遭老公尤子威夾爆手兼扯頸，更傳她正辦理離婚手續，可嵐昨日電話一直接駁到留言信箱，並於今晚舉行記者會交代一切，而尤子威昨日透過電話中表示不想將家事公開，當問到有冇向可嵐動手？尤子威有所保留說：「有與冇佢最清楚。」

from:http://orientaldaily.on.c ... /00282_065.html

可嵐強調只懂花拳繡腿，絕不是泰拳高手老公（右）的對手。資料圖片
歌手可嵐日前自爆被老公尤子威家暴，忍痛結束4年婚姻，惟有指可嵐學過少林功夫，質疑她借家暴博同情谷事業。可嵐昨接受本報電話訪問呼冤：「我𠵱家都冇乜事業可言，喺少林學到10幾歲停咗10年，花拳繡腿，睇得唔打得。」

有武功底子的可嵐，為甚麼被打都不還手？她說：「老公打泰拳參加比賽，仲係加拿大軍人，我點樣打佢？我只係捱打！」可嵐透露公開家暴後，與老公的關係更惡化：「佢打畀我媽咪，話我要求5萬蚊贍養費，但我哋冇對話過，點可以咁講？佢誣衊我，呢半年佢一蚊都冇畀過屋企，我啱啱見完律師，佢做唔到好丈夫，希望做個負責任爸爸。」

採訪：皓騫
From:http://hk.apple.nextmedia ... 140716/18801458