文詠珊跳槽，黎明嗌加油

文詠珊（Janice Man）昨日於尖沙嘴舉行加盟太陽娛樂文化記者會，JM一身火紅色低胸露肩長裙現身，文媽媽Shirley、余安安、好友陳柏熹等均有現身撐場，而舊老闆黎明、古天樂、黃秋生與張家輝等雖然未有出席，卻預先拍片祝賀，連緋聞男友謝霆鋒亦有份，霆鋒在片中說：「恭喜入新公司，all the best，拍多啲好戲。」黎明則以金句鼓勵JM說：「每一個人有新一頁，JM努力，加油。」之後便以趕開工為由匆匆跑走。

JM睇片後感動至眼泛淚光，並謂感激黎明的栽培，她說：「事前唔知會拍片，每一個人有新一頁，咁好嘅金句，終身受用，多謝Paco支持同賞識。」提到霆鋒也拍片祝賀？她說：「多謝，多前輩、影帝拍片，受寵若驚，自己唔經唔覺入行10年，今日份外緊張，媽咪形容係出嫁心情。」

目標當影后

問JM簽約酬勞是否外傳的3千萬？她笑說：「係好開心嘅數字，目標係買樓畀屋企人。」JM表示陸續有劇本到手，並確定明年開戲，角色是演作曲家，問到她會否有突破，例如唱歌？她說：「拍好電影先，唱歌要下苦功，未有信心。」她還表示目標是當影后，現階段有男友便算完美？她說：「順其自然，一個人有動力，桃花都會嚟。」

採訪：林嘉慈
攝影：仇志德
From:http://hk.apple.nextmedia ... 140726/18812125

JM着上露腰裝展示咈爆身材。攝影：仇志德
文詠珊（Janice Man）、徐靖雯及郭秀雲兒子錢景峰等，昨日在銅鑼灣出席「海賊王主題展覽」活動。早前有報道指JM帶男士返香閨，她解釋只是順道送朋友回家，JM說：「大家只係朋友關係，我都單身咗一段時間，dry dry哋，冇女仔唔想拍拖，不過我唔急嘅。」

此外，周子揚舊愛徐靖雯被問到二人分手是否因何傲兒介入？她說：「應該唔係，我哋因了解而分手，但耐咗性格唔夾一齊都冇意思。」她還力撐周子揚絕不花心，其實跟舊愛已分手一段時間。對於何傲兒跟林建名的爺孫戀緋聞，她坦言：「我就完全接受唔到。」

採訪：譚倩宜
From:http://hk.apple.nextmedia ... 140730/18815744