王菲同梁朝偉（偉仔）噚晚出席喺九龍灣國際展貿中心舉行嘅「噶舉大祈願法會」，佢哋仲喺會上合唱一首《心經》，唔少佛教信徒慕名出席，門票一早就賣曬。仲有唔少圈中佛教徒好似袁詠儀、江欣燕、關之琳同埋鍾鎮濤夫婦都有到場。
久違嘅梁朝偉一出現，就連僧侶都一齊拎機影相。
鍾鎮濤夫婦同關之琳一齊出席佛教晚會。
向學友請教
偉仔噚晚好大方咁接受訪問，就連在場嘅僧侶見到偉仔都拎相機影相。佢話咁樣公開唱歌好緊張：「對上一次公開唱歌，應該係去年前阿梅（梅艷芳）嘅紀念活動，好在噚晚綵排王菲都喺度。」偉仔承認事前曾經向張學友請教。前日中秋節偉仔話同太太劉嘉玲各有各綵排，佢話：「嘉玲姐咪綵排佢套舞台劇，至於11月係咪開工拍王家衛監製嘅戲，我都未知因為仲放緊假，不過悠長假期都開始悶，係時候做嘢。」散場後，關之琳同新婚嘅鍾鎮濤夫婦一齊離開，被問到有報導話關之琳病重，佢話：「唉，我冇事呀，去13樓洗牙。」
撰文：馮仁昭
From:
http://hk.apple.nextmedia ... 140910/18860978
