郭富城跟一班混血模特兒Rosemary、Alice B.及Lea T.，昨日在尖沙嘴為某運動品牌贊助的10公里跑步賽主持起步禮。城城被任命活力之星即場在台上示範正確的熱身姿勢。同場的三位女模以Rosemary彎身做運動最搶鏡，兩位年輕女模技遜一籌。
一向愛運動的城城主持起跑禮。
一身運動打扮的城城接受訪問時表示不會參加今趟10公里賽，他笑說：「留番啲機會畀人啦，我平時運動都超過10公里，半個鐘都最少跑5公里。」城城透露一向很注重運動，就算出埠工作都會要求酒店24小時開放健身室，方便可以隨時做運動，他說：「如果去一啲偏遠地方唔方便跑步，我會用跳繩代替，男人做運動唔應該怨辛苦嗌痛，我最多都係唱歌。」
Rosemary一屈膝就輕易成為焦點。
Rosemary難定婚期
Rosemary自言稍後會參加一個晚間競跑賽，不過中印混血未婚夫因為早前腳部骨折不會一同參加，她說：「不過就冇影響我哋12月去曼谷玩，結婚未知幾時，因為我哋時間都好難夾，定唔到邊日。」同場的Alice B.近日搬了去南丫島居住，閒時都會跑步代替運動，亦引來不少男士搭訕，她說：「男仔應該一齊運動，不過我目前單身。遲啲會替亞洲小姐擔任儀態導師。」而Lea T.近期迷上瑜伽，她覺得一班人一起做的效果較獨自做更好。
採訪：黃曉妍
攝影：陳慧安
From:
http://hk.apple.nextmedia ... 140925/18878048
