【Profile】
英文名：Candy
身高：5呎5吋
體重：105磅
三圍：33D、24、35
袁嘉敏豁出去接演三級戲，望一脫成名。攝影：林德雄
藝人離開無線可以有千千萬萬種理由，利嘉兒早前爆料指被高層逼去飯局，最近接演三級電影的袁嘉敏（Candy）亦是有苦自己知。現年30歲的Candy自覺一開始便與大台「好唔夾」，選港姐期間被迫剪短頭髮，20幾歲被安排演大媽角色，還有人工低得難以為生，最終決意離開，跳出大銀幕三點盡露博一鋪！
撰文：嵐山
獲吳君如09年提名參選港姐的袁嘉敏，初選時被冠以「翻版郭可盈」，雖然勢頭好，並奪「最上鏡小姐」，可惜與大台一開始便思想分歧，去年轉簽一年一騷不平等合約，今年9月與高鈞賢、石天欣一樣先後離開大台。Candy說：「我唔明白佢哋睇法，一嚟就唔夾。我初選時頭髮係過膊頭，但佢哋逼我剪男仔頭，話我輪廓深要短髮先好睇，但我覺得選美要女性化，大家諗法唔同。」
六百蚊一日任做
對於近日有報導指應屆港姐僅得七千元月薪，Candy直認人工低得可憐。Candy指選美後被安排做維穩節目《東張西望》及娛樂新聞台的外勤主持，高峰期每日接四單工作，但收入卻不成正比，她說：「六百蚊一日任做，可能接四更，朝早去完機場，轉頭出銅鑼灣……但開足工，每月最多都得一萬蚊。我唔可以長期咁生活，我一定要有變化，唔係我會抑鬱。」令Candy最難堪，還是被揀中演大媽角色，她說：「之前拍《舌劍上的公堂》要我做鄭俊弘阿媽，演出時我得28歲，鄭俊弘29歲，佢仲大過我喎。好奇怪，電視台就鍾意我做良家婦女，但電影就想我做型格、硬朗角色。我只可以講，過去幾年，我都係配合TVB，佢唔使你太獨特囉，平時出去採訪人，最好啲衫冚實啲唔好有曲線。」問可有高層逼去飯局？她說：「TVB冇，出面就有，但我知唔係食飯咁簡單就推咗。」
Candy在電影《屍城》中大玩SM，情挑安志杰。劇照
當時28歲的Candy在大台劇集演29歲鄭俊弘的阿媽，令她大感無奈。劇照
瞞家人拍三級片
擁有33D、24、35的惹火身段，Candy不甘被埋沒，問她可覺得走得太遲？Candy直說：「都會，其實我對其他藝人嘅私生活冇乜興趣，我希望可以去世界各地同唔同團隊合作。」Candy加盟Paco後，正式進軍大銀幕，繼《賭城風雲》、《竊聽風雲3》、《3D豪情》等，最近更越演越大膽，參與王晶執導新片《鴨王》，揚言不介意三點盡露，她直言要瞞住家人接拍，她說：「冇話佢哋知，始終佢哋唔係做呢一行，未必每個人都明白女藝人生涯，唔係每個咁長青可以紅足咁多年，所以我覺得有機會就要嘗試。」
服裝：Intimissimi
Candy自覺與ＴＶＢ好唔夾，六百元一日任做，令她覺得生活難捱。
深明花無百日紅的Candy，不惜瞞著家人接拍三級片，望在電影圈闖出名來。
去年底加盟Paco旗下後，Candy在《3D豪情》與杜汶澤有大膽演出。劇照
袁嘉敏早前接演《鴨王》傳出被Jeana等演員杯葛。資料圖片
獨家村全裸要睇酬勞
袁嘉敏經常惹是非，剛接演《鴨王》已傳被何佩瑜（Jeana）、梁敏儀等杯葛，Candy不客氣回敬謂：「可能我同男人緣份好啲，其實同佢哋只見過兩、三次面，拜神都係祈求拍攝順利，我就唔會未開始拍就講人，只會專心演好啲戲。」被唐紫睿（Hazel）寸是獨家村，Candy亦反擊說：「佢話我一貫作風係咁，但我根本唔識佢，唔知點解佢好似識咗我好多年咁。」
Candy年初接演《3D豪情》時，曾被杜汶澤斥責反口話露又唔露，Candy解釋：「最初監製搵我傾劇本時，我話如果劇本合適可以試嚇，但最終我演一個打扮平凡嘅女人，突然要三點盡露覺得劇情唔合理。」Candy直言酬勞是另一考慮因素，她說：「佢哋畀嘅錢係客串價錢，加上最初傾時唔知有咁多日本AV女優，都唔使我啦。」
from:
http://hk.apple.nextmedia.com/entertainment/art/20141114/18934055
