無線前晚假電視城舉行「勁歌金曲優秀選第二回」，由於環球、華納、太陽娛樂、Neway的歌手齊齊缺席玩杯葛，在蜀中無大將下，英皇的林欣彤、洪卓立、王梓軒、羅力威等狂擸8獎、無線旗下星夢的吳若希、許廷鏗、鄭俊弘等掃走5獎，寰亞只有側田和C AllStar有獎，英皇和星夢幾乎玩曬成個優秀選。收視平均13點，約84萬觀眾。捧兩個獎的林欣彤罕有地低胸露事業線上陣，被網友取笑「乳多人不怪」。
據知，之前無線因偏袒自己友星夢歌手，令關係友好的英皇不滿，天后容祖兒帶頭不續簽大台歌手約，加上大台跟四大唱片未破冰，無線為免《勁歌》總選冷清，早前雖跪低開放總選給沒合約歌手參與，可惜陳奕迅所屬的環球已事先張揚拒絕再玩。
Jade冇到冇獎攞
據知日前無線曾用獎利誘華納周柏豪、官恩娜出席優秀選，但如意算盤依然打不響，消息指繼環球之後，華納和太陽娛樂都決定唔玩《勁歌》總選。太陽娛樂發言人回覆：「許志安同薛凱琪忙商演，𠵱家仲度緊期，未覆實無線。」
至於Neway的關心妍（Jade）前晚有份角逐卻沒有獎項，其唱片公司高層朱先生接受電話訪問說：「佢唔喺香港，冇話滿唔滿意賽果，或者歌曲未達攞獎標準囉。」據知Jade總選當日不在港，問Neway歌手會否出席頒獎禮？他說：「都係嗰句，如果檔期OK會去。」
謝安琪前晚在優秀選擸兩獎，以金髮look風騷登場。
無線高層余詠珊老公何哲圖揸弗的星夢娛樂，旗下人人有獎。
寰亞歌手側田（左）和C AllStar（右）前晚合共攞3獎。
此外，捧兩個獎的謝安琪以金髮look現身，對於Eric Kwok和經理人爆罵戰，她說：「知Eric冇嬲，我有send訊息畀佢，如果佢唔開心，我話一定要講唔好意思，佢話同我講番唔好意思，成件事係字眼誇張咗啫。」至於不滿排位缺席廣州頒獎禮，她說：「經理人覺得冇受到尊重，既然安排唔公平咪唔去。」
採訪：皓騫
from:
http://hk.apple.nextmedia ... 141223/18977986
