袁嘉敏、何浩文（Dominic）、何佩瑜（Jeana）、唐紫睿（Hazel）及白健恩等昨日傍晚坐開篷巴士到旺角巡遊為電影《鴨王》宣傳。片中露點女主角袁嘉敏以一襲低胸裙中門大開亮相，即時成為焦點。不過當各人登上巴士準備時，惟獨袁嘉敏仍留在自己的七人車上，到大合照時袁嘉敏與Jeana分頭企，當記者要求二人合照時，袁嘉敏先是怒視該記者，但最終仍一起合照交差，由此可見袁嘉敏與Jeana不和的傳聞更可信。
冇做過朋友
袁嘉敏受訪時表示不擔心有露點片段在網上流出，她說：「戲院睇有電影感好多，而且激情裸露戲有六場，其餘嗰幾場仲好睇、仲激！」被問到為何剛才獨自在七人車時，她指只是跟工作人員指示。對於有傳她跟Jeana不和，袁嘉敏說：「冇話不和嘅，從來都唔認識對方，所以唔存在由朋友變陌生。而且第一日拍戲就講嘢攻擊人，所以都係諗住做自己嘢，唔覺佢哋夾埋孤立我，係我孤立自己，因為好怕講是非嘅人。」
袁嘉敏昨日中門大開到旺角宣傳新片。
「鴨王」何浩文獲兩女餵食鴨。
Hazel否認夾埋杯葛袁嘉敏。
片場唔埋堆
至於Jeana稍後接受訪問時較大方得體，她說：「透視靚衫留番首映至著，係咪不和？以前嘅我會話『識佢米奇老鼠』，𠵱家我會話我想大家鍾意佢，因為佢做得好好。工作上和睦相處就好，因為拍戲係講求team work，而且多一個朋友好過多一個敵人。」她笑言跟袁嘉敏只有一場戲，所以跟對方根本不熟，但不介意再合作。
「鴨王」Dominic自言在片場很少看到袁嘉敏，他說：「片場成日唔知佢去咗邊，所以都覺佢喺孤獨精。」Hazel則表示與Dominic、Jeana屬同一經理人公司，所以較多話說，但就否認一起杯葛袁嘉敏。
採訪：王連連
攝影：仇志德
from:
http://hk.apple.nextmedia ... 150118/19006390
