成龍昨日於油麻地出席送暖活動，派羽絨給長者。
【祖名毒禍之老竇發火】成龍最近成為大馬拿督，又在一個環球民調選全球最多人欣賞的男性名列第四位，昨日成龍在油麻地救世軍總部出席送羽絨活動時，難得心情大靚，終於願暢談兒子房祖名，並一度眼泛淚光，他感慨地說：「可能二○一四年唔好，補償番二○一五年好開始。」
成龍透露林鳳嬌不願外出，陪祖名受罰。
早前祖名受審，成龍未有現身聽判決。資料圖片
一度眼濕濕
一直有指被判容留他人吸毒罪判監半年的祖名，將於情人節出獄，成龍以甚堅定的語氣，強調與太太林鳳嬌不會去接兒子，更不知祖名正確出獄日期及之後去向，至於會否即場開記招，成龍說：「我唔問，交曬畀律師，佢大個仔，自己打理自己。」接著他以普通話補充說：「不好活在我陰影之下。」接著成龍續說：「相信祖名今次出嚟會好好面對未來，我同阿嬌都唔會再為佢講任何嘢，但我同阿嬌係佢後盾，相信個仔會畀新祖名我哋，壞事變好事。」
成龍承認有看過祖名上庭的片段，他初時說：「幾好呀！」有記者指祖名上庭時消瘦，比以前更靚仔，成龍則笑說：「咁再坐耐少少，懲罰佢多啲。」有傳林鳳嬌陪祖名一同受罰，不願出街見人亦不接聽任何來電，對此成龍說：「我唔敢問佢，我哋一直冇探祖名，亦冇聯絡過，只知阿嬌寫過封信透過律師畀祖名，我唔知內容寫乜。」據指祖名寫信給媽咪，提及希望以後能與爸爸有更多相聚時間，成龍聽罷眼泛淚光。
另外，據知林鳳嬌近日在台北忙於裝修去年新買的過千呎豪宅，準備迎接祖名出獄後回家過年，據悉她希望兒子日後多留在台灣，由家人就近看管，遠離北京。
採訪：卓寶花
攝影：葉君海
from:
http://hk.apple.nextmedia ... 150204/19027996
