現年三十歲、擁有34D上圍的袁嘉敏入行多年人氣欠奉，因接拍電影《鴨王》博到盡露點演激情戲，才成功搶視線，成為傳媒焦點；不過是非亦排山倒海而來。她被指拍《鴨王》時擺款犯眾憎，但她接受媒體訪問時卻反指自己遭同片演員何浩文（Dominic）、何佩瑜（Jeana）杯葛及針對，令她感到被孤立。
雖然袁嘉敏頻呼冤枉，指自己從來沒有搞是非，但有傳監製張敏因不滿她不停向傳媒爆料，覺得她自製新聞，決定永不錄用她，與王晶及導演區焯文已有共識。
本報昨日致電袁嘉敏，問她可有聽過張敏永不錄用她的傳聞？她語帶激動說：「我每次做訪問都講完整嘅答案，傳媒要抽部份出嚟搞到我好似鬧人咁，我都冇辦法，一係你哋（指傳媒）唔好問我啦！」說罷，袁嘉敏稍為平復下來：「我只係想講，拍戲時好多嘢都不停變，拍緊嘅時候又冇衫著，我真係好大壓力。」
袁嘉敏爆拍戲時被Dominic及Jeana杯葛，又形容自己在電影中只是陪襯品。資料圖片
《鴨王》導演區焯文說曾聽過袁嘉敏對電影的不滿。資料圖片
袁嘉敏指她因為要拍攝多場情慾戲，所以壓力很大。
《鴨王》導演讚專業
至於《鴨王》導演區焯文，接受本報電話訪問時則表示：「張敏無同我講過，拍戲一定不停有嘢改，我事後睇新聞知道袁嘉敏有不滿，但拍攝時佢冇表現出嚟，呢方面我覺得佢好專業。」區焯文又透露：「首映嗰日見到袁嘉敏，之後約過佢傾偈，佢都係有激動嘅，有講佢嘅不滿，但我哋冇嘢，佢仲話之後搵佢拍嘢會平啲畀我。」
另外，昨日有雜誌報導，指《鴨王》上映六日票房已衝破三百萬，但袁嘉敏指知道王晶一開始便想捧Dominic，自己只是「陪襯品」。
採訪：小米
from:
http://hk.apple.nextmedia.com/entertainment/art/20150206/19030676
