袁嘉敏一脫成名，除被定型為三級女星之外，最近更成被包養的頭號目標。昨日有報導指袁嘉敏得到一名內地電影公司老闆垂青，開出40萬人民幣上床價，比起傳聞袁嘉敏接拍《鴨王》的片酬20萬更高，但她卻不為所動，以怕有病為由，拒絕不道德交易。
《鴨王》在內地受歡迎，帶挈袁嘉敏北上掘金。微博圖片
想認認真真拍拖
袁嘉敏昨日接受本報電話訪問時，承認40萬床價真有其事，她說：「係有人提出呢個價錢，佢冇交代邊間公司乜嘢職位，話喺北京，我冇覆佢，追過我幾次用唔同方法。食嚇飯，做嚇朋友先，可能會去，我都會想識新朋友，但係淨係規定食完飯要性行為就唔會去囉！」
袁嘉敏拒絕40萬不道德交易，是為了下一個男人，她說：「最主要因為拍拖呢個原因，我好耐冇親熱，冇錫冇拖手，我唔想我世界咁灰，淨係用錢買番嚟嘅肉體關係，之後就獨守空房，因為年紀唔細，想發展真摯感情。我自己5、6年冇拍拖，好希望下一次親熱嘅時候係同一個男朋友，喺大家鍾意對方，有機會發展落去，邁向婚姻個方向，唔好好似定咗一晚半晚就完。」
自薦幫Dominic講價
事有湊巧，《鴨王》男主角何浩文（Dominic）日前同樣被指有內地富婆出價100萬人仔包月，不過Dominic認為銀碼太少，所以未有理會，袁嘉敏聽到哈哈大笑說：「佢嫌少，佢有冇話想幾多，我幫佢講嚇價。」袁嘉敏更指拒性交易是怕有病，她說：「我冇去跟進𠵱家有幾多種性病，內地咁多人，你唔知人哋有乜嘢病，始終風險太大。」
《鴨王》在內地受歡迎，帶挈袁嘉敏接騷接到手軟，之前她已經到訪過10個城市，保守估計她會舉辦30多場「袁嘉敏見面會」跟粉絲見面，她說：「試過上台攬住我握手仲錫落嚟，佢哋啲眼神表情好感動好high，啲男人啲鬚，朱唇同埋條脷，會三位一體，喺我隻手移動。」
採訪：非非
《鴨王》的兩位演員袁嘉敏及何浩文均被內地富商看中，成被包養目標。劇照
Dominic日前傳出被內地富婆出價100萬人仔包月，但他卻嫌錢太少。
劇照
From:
http://hk.apple.nextmedia.com/entertainment/art/20150507/19138190
