沈卓盈宣佈單身，心情都冇影響，一條友玩手機都咪咪嘴笑，大家唔使擔心佢冇男仔追啦！唔只男人，其實做女人都要能屈能伸㗎，好似沈卓盈上個星期自爆話同金融才俊Ray麥偉汶甩拖，以前成日見男友孖住沈大師出入，又有跑車接送之餘，又住喺禮頓山男友屋企。𠵱家分手都冇曬啦，上星期三（15日）見單身沈大師一條友去老尖行街，仲走去睇減價男裝，雖然有粉絲認得兼合照，不過沈大師都冇咩心情，梗係啦，一條友揸車返去青衣邨喎，由豪宅變番住公屋，俾你仲有咩心情，唯一安慰係仲揸緊寶馬囉。
以前有富貴男友照，邊使去詢問處攞泊車優惠㗎，𠵱家暫時單身咪做住先囉！
單身沈卓盈做完活動之後，去咗商場睇減價男裝，唔係想翻兜阿Ray呀？減價貨冇誠意喎！
以前拍拖就住喺男友禮頓山，𠵱家分咗手惟有返去青衣邨娘家踎住先，但出入依然揸寶馬，起碼叫公屋富戶啦！各位公子，機會嚟啦！
沈卓盈同男友Ray拍拖期間，男友試過發脾氣用網球拍打爛沈大師坐駕的擋風玻璃。
