擁34D豐滿上圍的袁嘉敏憑《鴨王》裸出個未來，脫貧由山腳搬到中半山豪宅曉峰閣，近日更頻頻北上登台掘金。事業順風順水，愛情亦有望開花結果。上月中，她被拍到和6呎老外在街上忘我舌戰，有指該老外Kenneth有樣有家底，住過鐵皮屋劏房的袁嘉敏，猶如中頭獎！
前晚袁嘉敏首次帶老外新歡亮相夜店開張活動，同場有孫耀威、美國R＆B女歌手Ciara、王馨平和傅明憲等。袁嘉敏全程和男友十指緊扣，她一臉春風說：「我同佢識咗幾個月，呢段時間大家都忙做嘢，都有兩個禮拜冇見啦，今晚佢嚟係保護我！」她透露新歡是比利時和意大利混血兒，家族生意瓣數多多，當中包括酒店業和紡織業。全程甜笑的她，還透露男友對她以往的性感演出甚為呷醋：「佢試過有晚叫我坐低，陪佢睇曬我拍過嘅戲，但我阻止咗佢，始終我同佢成長背景唔同，呢方面要大家磨合。」問她是否聽從男友建議，所以穿得密實？袁嘉敏即擰轉身展示背脊給現場記者看：「我今晚有露背㗎！」記者此時卻發現其背上長滿瘡瘡，慘不忍睹！
時下興閃婚，但袁嘉敏就話暫時未想到這麼長遠，反而此刻頭痛買甚麼禮物給好友，記者問她Boxing Day會否送自己給男友？她即咬著唇說：「哎吔！我哋都未去到呢個進度！」
曾在《鴨王》露兩點的袁嘉敏，不想男友看她的演出。劇照
美國R&B歌手Ciara表示很欣賞餐廳的裝修。
王馨平（左）坦言近年甚少現身ball場，傅明憲則表示開班授徒教潛水。
下星期生日的薛芷倫，生日禮物最想收到廚具用品。
薛芷倫生日拒收花
除了袁嘉敏拖男友放閃，同場還有即將生日的薛芷倫（Fanny），對於生日願望，Fanny說：「都係身體健康，世界和平啦。」至於生日禮物，她呼籲好友不要送花：「送廚具、手錶、電話會啱使啲！」美國R&B女歌手Ciara前晚亦有現身撐場，餐廳老闆巫翊鳴（前名巫雨平）親自迎接她，Ciara在台上用廣東話說：「你好嗎？謝謝和12345！」引得台下嘉賓發笑。
採訪：譚倩宜
攝影：沈健程
from:
http://hk.apple.nextmedia ... 151206/19401016
