與同性密友交往三年的關菊英，首度公開談及二人相處點滴，二人感情有增無減，關菊英更大讚對方懂得自己，令她非常珍惜這段關係。關菊英又重提當年與黎小田的一段情，坦言因為好勝而結婚。
關菊英鮮有剖白感情世界。
資深藝員關菊英現身有線節目《星級會客室》，大方暢談與同性密友周偉利（Willy）相處的點滴。面對世俗眼光，關菊英選擇大方認愛，她笑說：「其實我只係想做番自己，講大話好辛苦，我更加唔想出街偷偷摸摸。我只係追求一個伴，並冇傷害任何人，所以我選擇坦白，豁出去。」
大呻相愛很難
二人交往三年，感情有增無減，關菊英笑言與Willy相處非常愉快：「我覺得人生可以搵到個同自己夾、又錫你、能夠互相扶持嘅人已經好難，何必去計較佢係咩性別，咩人種？」關菊英曾經歷破碎婚姻，深明要找一個懂自己的人原來不易，她大讚Willy的為人，更感激遇上對方：「我好幸運可以遇到佢，佢係一個又機靈、心地又好嘅人，尤其好尊重長輩，關心朋友，我非常珍惜呢段關係。」
關菊英不想偷偷摸摸，選擇公開與同性密友周偉利的關係。
關菊英向主持汪曼玲盡訴心中情。
成功征服浪子
關菊英更鮮有地剖白早年與黎小田的一段婚姻，14歲便投身樂壇的她，遇上才華洋溢的黎小田，坦言被他深深吸引：「我入行已經識佢，嗰時仲係細路女，好欣賞呢位大哥哥，好叻，又識作曲，又教我好多嘢，好自然就一齊咗。」談到接受對方的求婚，她坦言是好勝心作祟：「我只係諗一個浪子居然想同我結婚，咁咪證明我已經征服咗佢？所以我好快就應承咗。」二人婚姻只有短短兩年，她坦言因性格不合而分開：「我係一個灑脫嘅人，唔會逃避問題，既然兩個人性格不合，長久落去唔係辦法，唯有提出離婚。」
文：影視組
From:
http://orientaldaily.on.c ... /00282_022.html
