由黎明主演，黃真真執導嘅一部內地電影《消失的愛人》，明年1月15號喺內地上映。其實套戲本身上年8月已經喺內地做緊宣傳，話光棍節11月11號上嘅，黎明等人已經出曬嚟做宣傳，但無啦啦推遲話要到12月先上映，再推下話下年1月先上，不過就搞咗兩場優先場放映。
香港應該冇乜人知道黎明拍呢部戲，前日fb同論壇又無啦啦流出咗呢部片嘅4張海報，分別係4個主角黎明、王珞丹、林俊傑同張榕容嘅單人海報，每個人唔係個樣有問題，而係成套海報嘅風格.....都好山寨下，不單後面個疑似泡沫定細菌培養皿又好，定係成套海報個感覺...都老套到以為返咗去80年代。
上網搵呢部戲，都唔多見呢4組海報，但呢張海報寫住2月25號上映，fb又真係有《消失的愛人》專頁宣傳呢部戲，難道呢批係香港版海報?
其實經黎明手嘅作品，都唔難見到呢種風格，好似衞蘭好早之前做瑜珈嘅CD封面...就被網民笑到家陣。網民見到《消失的愛人》呢組海報都紛紛話「_到唔敢睇」....其實51歲嘅黎明喺戲入面，仲梳咗個都敏俊頭，但係襯唔襯....真係見仁見智喇....。
from:
http://hk.apple.nextmedia ... 151219/19418176
