真係人怕出名豬怕肥，《100毛》嘅Like後盤菜瑩子雖然like就夠多，但係是非亦隨之而嚟，係咁俾人爆料，除咗被爆出真名叫「柯翠婷」，又曾吊線整雙眼皮外，同時又被指有夾ACG Band玩cosplay。
昨日本報又收到讀者報料，俾咗兩張盤菜嘅舊相，其中一張相見到似係同一名男子用個頭伏咗喺疑似盤菜個心口度。而另一張就係盤菜著住和服，同一位男士面貼面相當親熱，睇嚟係男朋友，讀者話盤菜係同呢個男仔去日本旅行。
但睇番盤菜fb icon係用單人相，即係有仔扮單身?記得日前盤菜接受本報訪問時，問起感情生活，當時佢她大反應話:「邊個話我有男朋友?」，所以本報即刻搵盤菜問清楚，佢再次爽快直認:「係呀，不過冇耐之後性格唔啱分咗手！」
from:
http://hk.apple.nextmedia ... 160121/19460287
