蘇菲瑪素飛釘賀老友偉仔睇韋小寶嚇親自己

法國女星蘇菲瑪素昨晚亦有出席晚宴，穿上白色貼身晚裝的她，更疑似凸點。

香港國際電影節和澤東電影公司昨晚於尖沙嘴舉行晚宴，老闆王家衛和太太、梁朝偉、張震、葉童、蘇有朋和杜琪峰等出席，法國女星蘇菲瑪素穿上一身白色貼身裙疑飛釘現身。與王家衛合作多年的梁朝偉，坦言本身在內地趕拍電影《擺渡人》，昨晚專程趕返港出席晚宴，他透露《擺》片拍攝進度十分順利，現已進入直路衝線階段。

梁朝偉昨晚表示重看自己演出的韋小寶（小圖）都看不下去。

王家衛透露公司有不少新晉導演，希望可以休息一下！

杜琪峰昨晚也有出席賀王家衛。

張震第一齣在澤東拍的電影是《春光乍洩》，至今相距近20年。

拍喜劇好輕鬆

偉仔表示：「自己之前拍好多劇情片，今次拍呢套喜劇，係屬於另一個角度去睇事情。其實喜劇拍嘅時侯係比較輕鬆，出嚟嘅作品係窩心啲，畀到人有希望同正能量。」偉仔透露今年已接了三齣電影，問他會否因此冇時間陪嘉玲，偉仔笑言：「佢仲忙過我啦，從來都係咁，不過拍戲係咁，有時喺度等，有時你想要嘅題材、劇本一齊嚟。」

雖然很忙，但偉仔原來亦有留意無線深夜重播他有份做的30年前作品《鹿鼎記》，偉仔講笑說：「我知𠵱家做到第11集，望到自己個樣，嚇親，即刻要瞓，唔睇！」

而王家衛則表示澤東電影公司今年已踏入25週年，坦言昨晚是讓一班老朋友敍舊的好機會：「時間真係眨嚇眼就過，好開心咁多年嚟公司做到一啲精緻嘅作品，叫做合格。」至於剛在峇里出席完好友吳奇隆婚禮的蘇有朋，笑指自己做伴郎已是對一對新人的最好禮物，所以沒想過做人情。

採訪：曹家誠　
攝影：陳慧安
from:http://hk.apple.nextmedia.com/entertainment/art/20160323/19540458

偉仔下月會飛歐洲拍新片，現正在港休息。資料圖片
梁朝偉拍完王家衛監製的《擺渡人》後，已經回港休息，要到下個月中才飛去歐洲演出馬楚成執導的《歐洲攻略》，但有消息指有內地演員看過劇本後，要求導演修改劇本，故此影片要延期開拍。偉仔同時獲去年憑《白日焰火》奪得柏林影展金熊獎的內地導演刁亦男邀請，在新文藝片中飾演郵差，據指偉仔很喜歡這部文藝片，自願減一半片酬至2,500萬港元，以偉仔性格，刁亦男並非對他有恩情，照道理他不可能會破例減價。

刁亦男新片預計在明年初開拍，記者昨日向偉仔經理人梁小姐求證，她說：「我問過梁生（偉仔），佢話4年前喺柏林影展認識呢位導演，大家有傾過偈，但從來未收過劇本，等收到劇本再講啦！」

採訪：鍾國仁
from:http://hk.apple.nextmedia ... 160525/19625878