前妻樂基兒呻有朋友買飛舒淇寸黎明「好彩我哋冇取消」

天王黎明昨晚假中環舉行4D演唱會，怎知因未遵辦消防安全規定，於開騷前兩小時黎明忍痛宣告取消個唱，剛巧昨晚黎明前妻樂基兒和舊愛舒淇分別現身出席活動，兩位前度沒計劃捧場，樂基兒說：「我知朋友有買演唱會飛。」她認為黎明應該會有其他計劃。至於相戀7年從未被黎明認愛的舒淇，驚聞對方取消個唱，她竟笑說：「嚇！好彩我哋冇取消啫。」

現年49歲的天王黎明，為慶祝入行30年，5年沒開騷的他，原定昨晚假中環龍和道海濱活動空間舉行首場「黎明Leon30th Anniversary Random Love Songs4D in live2016」，怎知昨傍晚食環署發公告指主辦單位未能遵辦有關消防安全規定，食環署未能就該活動發出臨時公眾娛樂場所牌照，結果黎明於開騷前兩小時，在facebook專頁宣告取消昨晚個唱，全城震驚。

【舊愛　戥粉絲慘】
黎明舊愛舒淇昨晚現身中環出席活動，聞黎明取消個唱時說：「粉絲一定好失望，係幾令人失望嘅消息。」

【前妻　唔會捧場】
黎明前妻樂基兒昨晚出席活動，表示今日飛外地，沒預計去看黎明演唱會。

舒淇：幾令人失望

剛巧黎明的舊愛舒淇昨日亦現身中環，到置地廣場出席品牌活動，被問到有否計劃睇黎明演唱會？舒淇坦言表示沒有，記者告知黎明剛宣告取消昨晚演出，舒淇的反應十分抵死，竟笑說：「嚇！好彩我哋冇取消啫，哈哈哈！」之後舒淇亦主動問為何取消？當知道因為消防條例問題，舒淇說：「嚇！咁都得。」對於睇騷粉絲在現場爆喊，舒淇說：「身為粉絲一定好失望，唔可以咁臨時，其實係幾令人失望嘅消息。」問到為甚麼沒想過去睇騷？她解釋：「因為啱啱喺台灣拍完戲返嚟，香港發生乜事都唔知。」會否問候黎明？舒淇說：「有機會會問候佢。」

黎明跟舒淇於98至05年拍拖7年，兩人當年合作電影《玻璃之城》擦出愛火花，可惜有傳黎爸爸跟粉絲都不接受舒淇是三級女星，一直堅決反對兩人拍拖，所以7年以來黎明從沒承認舒淇的女友地位，直至05年黎明跟徐子珊傳緋聞，數月後就跟舒淇分手，七年情玩完。早幾年舒淇自爆當年跟黎明分手後曾患抑鬱症，閉門療傷一年。

此外，早前舒淇因患皮膚敏感，問到情況好些了嗎？她說：「其實唔單止係塊面，全身都係，今日都要遮咗半邊面，做完今日活動要放大假，唞嚇之餘要驗身，仲會去驗埋血，可能太攰。」有記者笑問是否年紀問題？她笑說：「所以要放大假，最少要放半年。簽咗約嘅工作會照做，但新戲唔會傾住。」

樂基兒：好難幫佢答

至於跟黎明離婚4年的前妻樂基兒，昨晚現身銅鑼灣出席活動，對於黎明個唱臨場取消，她說：「我知朋友有買演唱會飛，其實production嘅嘢我唔知，不過佢喺呢個情況下，應該之後都有其他演出或者有其他plan，有其他嘢俾大家睇到，我真係好難幫佢答到！」

問到朋友會否擔心看不到黎明演唱會，樂基兒說：「咁我唔知呀，我今日要做嘢，直至你哋講畀我知取消我先知！」記者問黎明有否請她睇演唱會？樂基兒似為免尷尬拒答：「呢樣嘢我唔答！」

採訪：張俊銘、王連連
攝影：陳志嵐、陳慧安

全城鬧爆：粉絲狂插食環署

黎明演唱會因食物環境衞生署在開騷前兩小時，宣佈未能發出臨時公眾娛樂場所牌照而取消。大批粉絲在黎明fb留言力撐，連環鬧爆食環署和香港政府。

Leslie Wan：食環署真係仆*，人哋就開show先唔批…一係你就早啲通知，𠵱家想點呀，玩呀！

Wilson Wong：捉水貨客又唔X見你哋咁落力？成班正一廢柴，淨係識得欺善怕惡。

Kenny Wong：香港唔係有特事特辦嘅咩，有冇搞錯呀，你唔好開show前一分鐘先話唔得。人哋準備咗好耐，唔講計錢心機都浪費曬啦。香港真是冇得救啦。

Candy Choi：食環署有冇搞錯，最後2小時先講唔批！Leon唔好唔開心，原本今晚嚟睇㗎，等咗好耐先到今日，係有點失望，我會等你搞掂再開番，加油呀！

Ying Choyd：可唔可以特事特辦呀？
from:http://hk.apple.nextmedia ... 160429/19590528

黎明昨晚補開首日取消了的演唱會，嘉賓及歌迷有感失而復得。

黎明（Leon）的紀念入行30周年4D演唱會，首日因為中國製帳篷未達防火標準而被迫取消，昨晚本應休息的他，為首日看不到的歌迷找數，繼續現身中環海濱開騷。昨晚演唱會於8時23分開場，撐場嘉賓依然星光熠熠，包括有周慧敏、吳君如、陳可辛、張達明、蔡一智夫婦、林日曦和「Hea爆港姐」張舒雅、盧巧音與老公Sammy等。本身看頭場演唱會的蔡一智，坦言昨晚睇騷有失而復得的感覺。「一定會留番張飛，仲要畀Leon簽名，因為真係好難得。」蔡一智直言欣賞Leon每次演唱會的製作，他說：「如果草蜢將來開演唱會，都會考慮喺呢度開，因為夠新鮮。Leon係先鋒，可以喺佢身上學好多嘢！」

蔡一智與太太到場，大讚在Leon身上學到好多。

「Hea爆港姐」張舒雅手執一袋麥記入場。

此外，昨日有人在核心外圍兜售8本黎明做封面的《金電視》周刊，標價150港元。而VIP席排頭位的何小姐，坦言對昨晚取消摩天輪環節有少許失望，但自己依然支持偶像。至於另一位來自深圳的張小姐，頭場未能看騷便返回內地，如今終於如願以償，她表示自己已支持黎明28年。

採訪：王連連、張俊銘
攝影：馬建華、沈健程

周慧敏昨晚睇Leon演唱會。

昨日有人在場外賣黎明做封面的《金電視》周刊。
from:http://hk.apple.nextmedia ... 160505/19598074

舒淇近期在ig連環po相，原來她和朋友去了日本玩，去完東京淺草，又去富士河口湖，不知有無俾旅客野生捕擭？

放假最開心，舒淇旅行look輕鬆舒服，多數以牛仔吊帶褲、白tee、太陽眼鏡為主，間中配一對Fendi的bag bugs怪獸眼仔slip-on，causal又不失潮味。Fendi的bag bugs怪獸仔，可愛又有些小幽默，衫鞋背包等都頗得明星名人歡心，楊冪、吳千語、甘比一家、林夏薇等都有着過。

更多時尚新聞，即上：http://add.appledaily.com
from:http://hk.apple.nextmedia ... 160511/19606910

舒淇將與心如鬥cute鬥chok的照片改圖成海報。

舒淇與林心如認識近20年，是圈中出名的閨蜜，日前二人去了日本旅行同遊富士山時，更被遊客野生捕獲，影到林心如細心幫舒淇整理背囊。二人其實在微博及Ig都各自貼了不少閨蜜旅行相，更不時留「情話」，如二人在銀座街頭行街，舒淇就留言：「不知不覺秀恩愛了。」舒淇鬼馬地在雕塑旁扮狗狗的動作，二人又挨在公園橫凳鬥chok擺甫士，充滿童真。

之後，二人再上山敲鐘祈福，舉起手合體做心心甫士狀，舒淇更開玩笑地將照片改圖成電影海報，留言：「入圍坎城贏得最佳影片，偶棉相愛霸。」

撰文：唐如
from:http://hk.apple.nextmedia ... 160511/19605908

樂基兒昨出席活動聞前夫黎明演唱會，即一概表示沒看。

樂基兒（Gaile）、蔡穎恩（Evelyn）、馬天佑昨日到中環ifc，出席眼鏡店Linda Farrow開幕儀式。

Gaile身穿一字膊露出古銅色肩膊，對於前夫黎明早前在中環海濱舉行演唱會波折重重，Gaile因長假期約了朋友旅行，故沒有捧場，黎生場場爆金句，Gaile說：「冇睇，冇follow，我又唔識中文，冇人send過畀我睇。」

演唱會期間黎明在facebook玩直播兼不時上載片段，Gaile說：「冇睇，同埋我冇facebook。」對黎明的事明顯不欲多談，提到黎明演唱會出DVD，Gaile說：「會支持，咁多年啲音樂都好有才能。」

採訪：卓寶花
攝影：沈健程
from:http://hk.apple.nextmedia ... 160513/19609092