天王黎明4D演唱會前晚假中環海濱長廊開鑼，怎知臨開場前兩小時，因內地製造的帳篷不符合消防規格，首場騷不獲發牌而被迫取消，黎明即時拍片貼社交網道歉，表現有承擔有腰骨。不過，有網友竟然惡搞扮黎明爆粗聲帶，前晚開始在網上瘋傳。
講熱狗穿崩
該把神似黎明的男人聲說：「我𠵱家乜嘢都唔知，我淨係知道好X大鑊，到last兩個鐘頭先話畀我知唔批，即係玩嘢啫，我理X得你啲布料係用英國規格、日本規格，定武裝規格，係防火布就係防火，唔通房祖名？你明唔明我想講咩？頭先至同我講批布料係中國製造，仆*喇！今次你X味，俾佢蹺起，唔講我要整熱狗。」最後一句「整熱狗」，明顯就知是網民惡搞，日前黎明在玩facebook live，就提到香港有些地方整熱狗唔好食。
另外，昨日大會拆內地製的帳篷，令演唱會可以如期舉行，可惜任達華老婆琦琦卻買了首場飛，一樣沒法看，昨日華哥到太古城出席活動時說：「老婆有噚日嘅飛，冇得睇，呵呵呵。可惜嘅，香港政府係啱，安全為上，希望快啲解決。」同樣有首場飛的利嘉兒將門票貼社交網，原來她買了AA行價值2,980元的VIP飛，並留言：「有咁靚嘅飛又如何？哭泣中……SAYONARA啊！」她在電話說：「我真係好想睇佢，佢籌備咗咁耐咁勤力，應該表演番畀人睇，否則好唔抵，希望佢唔好唔開心啦。」
任達華指老婆琦琦買了黎明個唱首場門票，可惜最後冇得睇。資料圖片
吳若希前晚在Instagram上載黎明演唱會門票（右圖），更表示支持對方。
胡定欣知道黎明個唱取消，她在Instagram貼上印有「Make It Happen」字的衫隔空鼓勵，並留言說：「呢刻嘅心情……心痛，失落！」又用歌詞打hashtag「願你今夜別離去」，而吳若希則曬今晚的門票，留言：「我撐㗎！黎明！」
採訪：羅慧敏、小米
胡定欣在Ig以黎明名曲歌名做tag（右圖），又指對個唱取消感心痛和失落。
from:
http://hk.apple.nextmedia ... 160430/19592238
