林峰一連三日在紅館舉行「林峰Heart Attack演唱會2016」，前晚首場女友吳千語坐正在第一排監場，林峰在紅館飛天遁地，賣力演出，唱到第二首歌《Broken》因激動自摸被衣飾𠝹傷左手血灑紅館，之後在機關重重的升降台上跳舞、做引體上升展示力的表現，而狂操兩個月減磅的林峰即場扯爆小背心大騷朱古力肌，再一輪勁歌熱舞，淋水濕身，玩噴火冧爆粉絲，絕無冷場！
不過，其間發生了一個小插曲，林峰演唱會首個設計可到達山頂位的升降台，在繞場一週後發生少許故障，突然停在半空半天吊。
林峰左手𠝹傷血灑紅館。
【體能一流】
在特別設計的旋轉舞台上林峰玩引體上升。
【半天揈揈】
可以吊到山頂的升降台中途出現故障，林峰半天吊。
吳千語坐在第一排中間欣賞男友精采的演出。
嫌轉速慢
頭場完騷後林峰接受訪問，被問到血染紅館時說：「係第二首歌《Broken》整親，對上一次演唱會唱《Broken》都係咁。」提到舞台機關有少許故障，他說：「OK，第一日緊張少少，之前練咗啲高難度動作，仲未可以做到，吊到山頂嗰部份唔驚，只係因為有畏高，升台心理壓力大，因冇任何安全措施，至於個旋轉台速度可以去到時速50，頭場開到30，如果配合首歌希望之後可以再轉得快啲，效果會仲好。」
苦練兩個月，林峰在台上對粉絲說：「不嬲想做爆衫動作，今次有足夠時間，出來效果大家滿唔滿意？」他更表示：「佢（吳千語）都鼓勵我，見我練咁辛苦，都叫除出嚟畀大家睇個成果。」提到吳千語坐第一排，當他唱《愛不夠》時是否向著女友情深對望，他說：「唔會喇。」此外，早前林峰接受訪問表示家中只看ViuTV，所以大台仍然未有派員採訪，但是大台高層樂易玲有前來欣賞。
採訪：馬建華
攝影：陳志嵐
from:
http://hk.apple.nextmedia ... 160501/19593487
