可嵐鬧整容張羽希：精神有問題

1^# 大中小 young 發表於 2016-8-23 22:41 發短消息

相關主題: 整容

曾被老公家暴的可嵐，日前在社交網狂插某歌手：「去完韓國走轉，以為整完個樣真係變咗韓國人？講好廣東話先啦，影衰曬香港樂壇！」她昨在電話中透露：「呢個人曾經同我老公講，話我唔識做人老婆，加上我覺得作為香港歌手，唱好本土歌最緊要。」

可嵐所講的特徵，跟去年到韓國發展、現改名為張羽希的脗合，可嵐拒絕證實是否同一人，只說：「我諗佢唱歌都有改善空間，讀多啲報紙講好廣東話。」

可嵐指有人曾在其老公（小圖）面前力數她不懂做人老婆。資料圖片
昨日張羽希到太子出席活動，否認曾投訴可嵐唔識做老婆：「佢叫我幫佢老公買保險，我冇買，佢有少少唔開心，後來佢鬧我抽水，我哋四年冇來往。」她覺得可嵐有問題，還用手指著腦部：「呢啲朋友要唔要都罷，如果需要錢，可以借畀佢，如果精神有問題，可以介紹心理醫生幫佢，如果有人無中生有，公司有三個律師隨時stand by！」

採訪：黃曉妍
攝影：陳慧安
from:http://hk.apple.nextmedia ... 160811/19731427

廷伸閱讀/相關主題推介:

相關主題:整容

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-8-23 23:19 發短消息

可嵐嘲張羽希對號入座

可嵐和陸詩韻昨日在太子出席衍生獎學金頒獎禮，可嵐早前在個人平台鬧某人背後造謠生事，張羽希對號入座指可嵐精神有問題，可嵐說：「好無稽，係人都知我老公唔係做保險。」她續說：「我幾時有話係佢，無啦啦變咗話佢，又話律師又乜嘢都幾得意，香港有言論自由，要珍惜，唔知佢博新聞定點。」她並再三否認所指的人是張羽希。
from:http://hk.apple.nextmedia ... 160813/19734146

TOP

3^# 大中小 young 發表於 2016-8-23 23:37 發短消息

可嵐自撐鬧張羽希

可嵐、劉威煌噚晚喺尖沙嘴演出酒吧騷，可嵐之前喺網上唔開名、話一個去完韓國整容嘅女歌手，影衰香港樂壇，暗指係張羽希，之後兩人隔空開火。但有網民就話可嵐借啲易抽水，可嵐話篇文係寫喺自己微信，畀記者睇到至會公開，都冇乜好回應。坐喺旁邊嘅威煌亦幫口：「可嵐都係有感而發啫！同埋網民應該睇晒前文後理，先畀意見會好啲。」

撰文：馮仁昭
from:http://hk.apple.nextmedia ... 160815/19736210

TOP

4^# 大中小 young 發表於 2016-8-24 00:06 發短消息

張羽希寸可嵐縮頭烏龜

張羽希噚日喺天后見記者，嚟緊將會接受8星期體能訓練，希望練得胸大、腰細、屁股挺，佢話會有大隻佬教練幫手。問到老公有冇呷醋，佢就唔多願講，只係話：「佢喺美國做嘢1年，我哋好少見，𠵱家網絡咁方便，溝通易。」之前佢同可嵐隔空互數，張羽希話冇聯絡對方：「佢又冇開名，唔知發生乜事。講就天下無敵，做就縮頭烏龜，我只係專注工作。」

撰文：馮仁昭

馮仁昭
from:http://hk.apple.nextmedia ... 160818/19740397

TOP

5^# 大中小 young 發表於 2016-8-24 01:56 發短消息

張羽希心雄美國上巿

張羽希以7位數字投資購物網站，噚日喺灣仔舉行簽約儀式兼任品牌大使，佢話希望三年後可以喺美國上巿。張羽希喺娛樂圈工作外，都有投資股票同埋地產，一路都有自己嘅生意，問佢係咪身家足夠做億萬富婆，佢話：「八年前左右，每個月喺股票投資一百萬，仲有投資地產，股票好嗰時，曾經有機會，但𠵱家大縮水。」

撰文：馮仁昭
from:http://hk.apple.nextmedia ... 160823/19746441

TOP

6^# 大中小 young 發表於 2016-11-5 18:35 發短消息

可嵐囝囝考小學失敗

可嵐噚日帶住5歲半囝囝尤俊，同趙哲妤喺九龍城出席萬聖節活動，可嵐最近忙於為囝囝搵小學，可惜三間學校都通知佢面試失敗，可嵐話：「佢成績唔錯，英文滿分，但中文差少少。」懷孕7個幾月嘅趙哲妤最近密密工作，佢話：「我會做到生之前最後一個月，因為坐月冇得開工。」BB爸爸會唔會負責生活費？佢話：「錢同力都係以我為主，暫時我有能力。」

撰文：馮仁昭
from:http://hk.apple.nextmedia ... 161031/19817429

TOP

7^# 大中小 young 發表於 2017-1-1 19:29 發短消息

張羽希半年肥20磅

張羽希昨日在佐敦拍攝飲食節目，近日她為節目奔波勞碌，在開拍後的短短半年時間內，她由原來的90幾磅變成120磅，重了20幾磅。

因此張羽希被韓國經理人投訴，下令要禁食減磅，她說：「韓國經理人係EXO團隊，遲啲會嚟香港幫我錄歌，之前佢哋已經話我肥，炸雞都唔畀我食，好慘。下月開始我會將拍飲食節目安排早上拍，希望可以減磅。」
from:http://hk.apple.nextmedia ... 161210/19860613

TOP