鄭秀文熬過失聲災難Sammi：不哭了！

鄭秀文（Sammi）事前瘋狂操練準備共八場在紅館舉行的「鄭秀文Touch Mi2世界巡迴演唱會2016」，可是開騷前被病魔入侵，即使聲音受損，前晚首場仍傾力演出，面對舞台上失準表現，Sammi形容是一場「災難」，還求退票，歌迷心痛偶像用笑聲送上正能量，Sammi昨日凌晨平復心情，在fb留言並承諾：「不哭了。」昨晚如常開騷。

天后鄭秀文昨晚繼續在紅館舉行第二場個唱，Sammi昨晚8時40分開騷，老公許志安、李嘉欣夫婦、梁漢文夫婦和徐濠縈等捧場，許晉亨更拿著枴杖到場。Sammi出場時雖仍沙聲和走音，她呼籲：「畀啲聲嚟聽嚇！」歌迷反應熱烈，當Sammi唱到高音時再應付不來，笑著做耍冧手勢後說：「多謝你哋！」

【素顏床照】

Sammi昨日凌晨在fb留言，承諾不哭，並會盡全力做好餘下七場個唱。

Sammi全晚落力又唱又跳，令全場歌迷high爆。

安仔昨晚繼續到紅館撐老婆。

叫歌迷戴口罩

Sammi唱完《煞科》後飲水，然後喘著氣笑言把聲乾過粒柴，她聲沙走音說：「唔記得提你哋戴口罩，我呢啲菌係會傳染㗎。唔使我多講，你哋有睇報紙，都知噚晚觀眾幾難受，成晚聽住我走音，雖然把聲好難呢兩日好番，仲要晚晚用聲，我諗得好正面，啲飛都賣曬，你哋都落曬疊。雖然我把聲甩甩漏漏，但我仲有力，我仲有華衣美服同美腿，有最好嘅觀眾，我唱唔到，你會幫我唱嘅。」Sammi唱《男仕今天你很好》表現不差，全場拍手支持。台灣失明創作歌手蕭煌奇跟Sammi合唱《沒那麼簡單》時，唱到中段高音位，Sammi唱不到，由蕭煌奇獨唱。

【昨晚勁跳】

Sammi昨晚出場時雖仍沙聲，她呼籲：「畀啲聲嚟聽嚇！」

【胸部遊走】

前晚赤膊的男舞蹈員胸襲Sammi，意識大膽。

【透視倒掛】

穿魚網裝的Sammi倒掛在男舞蹈員身上，她的下體對正男方臉部。

Sammi前晚雖抱恙開騷，但絕不欺場，還自嘲：「啲人成日問我part1同part2有乜分別，part2會全晚走音。」其實Sammi最初只是說話時才走音，唱到《薩拉熱窩的羅密歐與茱麗葉》高音位時力不從心，其後都多番失準，令Sammi忍不住落淚。中段當Sammi唱出《最後一次》時，高音位又失準，歌迷見狀送鼓勵，Sammi非常內疚說：「辛苦曬你哋，成晚聽我呢個走音歌後唱歌。」觀眾用笑聲力撐，Sammi說：「已經走音啦，你哋仲喺度笑我，我好痛苦㗎喇。我仲有七場，可唔可以畀番錢你哋？我把聲咁樣，我好痛苦，可唔可以退錢？」Sammi唱《終身美麗》時不小心跣一跣，差點跌倒。

到尾聲，Sammi幾乎唱不到《不要驚動愛情》，她苦惱喊起來：「我好對唔住，多謝你哋。」即使力不從心，但Sammi仍用心唱下去，堅持繼續安歌，觀眾陪Sammi和唱《默契》，她唱完向四面台鞠躬：「對唔住你哋！」首場於11時23分完騷。

【激光展翅】

Sammi的白色巨型大鳥翼，由著名頭飾設計師Rinaldy A.Yunardi製作。

【十字架台】

十字架舞台升高，Sammi沒綁安全帶，只是手扶欄杆獻唱。

洗澡平復心情

Sammi前晚經歷了一役舞台災難，昨日凌晨入睡前不忘在fb留言：「洗了澡，躺在床上，細細回想昨晚的演出。想說，感激你們，多得有你們，多謝你們。但更重要的是：對不起。心中清晰知道，自己一定會盡全力完成餘下七場。不哭了！我需要的是在這股崎嶇中奮力前進。」

採訪：王連連、黃曉妍
攝影：陳俊強、陳慧安

【鄭秀文演唱會曲目】

1 Fabulous
2.螢光粉紅
3.煞科
4.親密關係
5.迷糊情慾對象
6.發熱發亮
7.男仕今天你很好
8.如何掉眼淚
9.哭泣遊戲
10.沒那麼簡單（與蕭煌奇合唱）
11.你是我的眼
12.愛是…
13.罪與罰
14.薩拉熱窩的羅密歐與茱麗葉
15.上帝早已預備
16.朝聖
17.最後一次
18.回來我身邊/如果我們不再見
19.終身美麗
20.我們的主題曲（與劉德華合唱）
21.Medley：犀利、獨家試唱、星秀傳說、信者得愛
22.火熱動感La La La
23.荒漠甘泉
24.熱愛島
25.Medley：愛的輓歌、你愛我愛不起、上一次流淚、心血來潮
26.捨不得你
27.不要驚動愛情
28.默契
from:http://hk.apple.nextmedia ... 160918/19773782

華仔前晚擔任Sammi首場個唱嘉賓，額頭紅腫。

鄭秀文前晚首場演唱會邀得劉德華做嘉賓，兩人合唱《我們的主題曲》，他們見面即相擁，還攬着行路，其後華仔獨唱了《一起走過的日子》。Sammi發現華仔額頭腫了，他解釋因當日接到Sammi電話邀請時不慎仆倒。Sammi大爆華仔家庭秘密：「去到佢屋企，華仔開門，着住短褲，踢住拖出嚟。」Sammi不但讚華仔煮得一手好味齋菜，還獲對方親手整蛋糕及擺設碗筷，她說：「佢（劉德華）喺我心目中係樣樣皆能，同老婆好sweet！」華仔聞言即說：「係你先會咁講。」

Sammi繼續形容華仔夫婦相處甜蜜兼融為一體，華仔也反爆Sammi和老公許志安：「我見你同佢都係一樣。」Sammi講笑說：「家暴嘅時候你唔知。」華仔也說：「咁咪大家都一樣。」Sammi更提早向下周二55歲牛一的華仔唱生日歌，華仔昨晚與歌迷會「華仔天地」在九展舉行生日P。

採訪：王連連
攝影：陳俊強
from:http://hk.apple.nextmedia ... 160918/19773783

鄭秀文前晚紅館騷，男神黃子華做嘉賓，玩棟篤笑。講講下，子華擺安仔上枱。話啲人咁鍾意Sammi同安仔，係因為佢地係一個童話：「金童玉女，但係爆咗煲!曾經。然後破鏡，竟然又能夠重圓。呢個，係童話中嘅童話，所以你明唔明白，你嘅社會意義，你嘅社會責任呀？係因為今時今日嘅香港，係少咗好多童話0架喇！所以，如果你兩口子喺屋企鬧交，如果許志安鬧你，你係有權同佢講:『收聲！』唔係為咗我，係為咗香港！『我叫你去買豉油就買豉油！唔好駁嘴!大局為重!』

講咗咁耐，子華仍然唔捨得走，問大家，呢個童話點樣可以最完美呢？「真係，生個仔(你懂的，全場又尖叫)我連你個仔個名都幫你諗埋，你個仔就叫做『勝不許敗』！」Sammi即尖聲甜笑，子華當然唔罷休，繼續話:「許志安個仔，許勝不許敗！三母子一齊走出嚟，贏晒！許志安，鄭秀文，許勝不許敗！」全場報以熱烈掌聲。Sammi失聲走音道：「多謝！」
from:http://hk.apple.nextmedia ... 160919/19775136

安仔對黃子華建議下一代改名「許勝不許敗」，擔心要罰抄。

許志安和Dear Jane昨日到商台宣傳新歌《非安全地帶》，對於老婆鄭秀文（Sammi）感冒聲沙仍堅持開演唱會，安仔坦言既擔心又心痛：「冇辦法，病每個人都有，盡咗力就係最好。」提到黃子華指他和Sammi是香港的童話，又為他們下一代改名「許勝不許敗」，安仔笑說：「唔好啦！我驚入幼稚園有問題，如果罰抄，永遠都係留堂嗰個。」

Sammi前晚在台上企太耐，忽然脫下高踭鞋。

此外，Sammi個唱前晚去到第3場，嘉賓張衞健笑指自己應記一功：「今日你哋開花結果，係咪應該當我老爺，斟番杯茶畀我？許志安喺唔喺度？」Sammi即說：「唔喺度！」安仔離遠大叫：「黐線！」而騷後她在facebook留言感謝觀眾的支持。

採訪、攝影：黃曉妍
from:http://hk.apple.nextmedia ... 160920/19775417

鄭秀文前晚請了杜德偉做演唱會嘉賓。

鄭秀文（Sammi）前晚請了杜德偉做演唱會嘉賓，網友曾認錯許志安是杜德偉，故當杜德偉登場時，觀眾大叫：「許生！」杜德偉強調兩人並不似樣，Sammi卻搞鬼率領全場叫他「許生」，又說：「許生唔睬人嘅！」

台上更播出杜德偉和許志安的性感三角褲相，Sammi笑說：「嘩！兩大巨鵰碰頭，應該去男廁私下比拼。我試過半夜認錯，點解杜德偉瞓喺隔籬嘅！」全場爆笑。杜德偉則抵死說：「應該請番當日認錯許志安係杜德偉嗰條茂利……點解咁都可以搞錯！」尾聲時Sammi哭說：「我開始唱得番好多音啦，好開心，你哋買嘅飛係唔包走音，但係你哋真係好包容我，多謝你哋！」

撰文：皓騫
from:http://hk.apple.nextmedia ... 160921/19776575

Sammi所穿的新裙拉鏈爆開，嚇得她用手拉住嗌救命。

鄭秀文（Sammi）前晚請黎明（Leon）及林日曦做演唱會嘉賓，刻意穿新裙配襯Leon，未料Leon出場前，她發現背脊拉鏈爆開，即時大叫救命：「我條裙拉鏈爆咗呀，救命呀，好驚呀，我咁瘦點解會爆？」

（右起）Sammi、Leon及林日曦在台上自拍。

Leon在台上自爆前日胃部不適，Sammi即搞笑問他面青青是否屙爛屎？未料Leon認真回答：「實與虛嘅邊緣，但冇事嘅！」即時全場爆笑。Sammi又指她與Leon的演唱會頭場都發生意外，一個失篷、一個失聲，但處理危機方法也算不錯。首次踏紅館的林日曦，爆Leon叫自己最緊要自然，但由那天開始已自然不了。

撰文：小米
from:http://hk.apple.nextmedia ... 160923/19778701

吳鎮宇為Sammi練唱《歲月如歌》，獲讚非常認真。

鄭秀文（Sammi）前晚繼續在紅館開騷，請來台灣歌手蕭煌奇和吳鎮宇擔任嘉賓，Sammi大爆鎮宇瘀事：「唔好睇佢𠵱家扮晒老定，其實隻手濕過條啱啱洗濕嘅底褲。」首度開金口唱歌的鎮宇獻唱《歲月如歌》，Sammi繼續玩踢爆：「佢一聽到我請佢做嘉賓，好快答應，仲馬上練歌，請老師練咗6堂。我仲要爆多個秘密，佢本來想整埋Sam哥蛋撻頭同着飛機師制服，佢真係好認真。」

其間有歌迷大叫「Sammi你好索」，她自信地說：「我44但似34，邊有人44歲好似我咁弗？」她又透露綵排時有驚喜：「有位男dancer向女dancer求婚，真係好感動，我明明好靚，但喊到隻眼腫晒。」

撰文：陳以晴
from:http://hk.apple.nextmedia ... 160926/19781581