袁嘉敏認鹹濕睇AV

1^# 大中小 young 發表於 2016-9-21 17:00 發短消息

相關主題: 袁嘉敏

袁嘉敏表示不能接受群交的重口味AV。

袁嘉敏（Candy）早前為ViuTV的性趣清談節目《晚吹——啪啪聲，太好聽》做嘉賓，該集今晚11時半播出，並以AV做主題。主持梁梓禧（Roland）問Candy會否考慮拍AV，Candy反問對象是誰，當Roland笑言是自己時，即遭Candy一口拒絕。

Candy承認自己是天蠍座比較鹹濕，求學時曾與男友一起看AV，問到會否接受模仿AV動作？她說：「男友應該先自修，希望男友有天份，如果技術差就要say goodbye。」

撰文﹕嵐山
from:http://hk.apple.nextmedia ... 160918/19773739

廷伸閱讀/相關主題推介:

相關主題:袁嘉敏

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-10-23 16:10 發短消息

甩拖又冇工開袁嘉敏跪禱半粒鐘

【心事重重】

袁嘉敏心事重重，直至教堂關門才離開。DV圖片

【中環】現年31歲嘅袁嘉敏，09年獲吳君如提名參選港姐入行，在無綫發展不順的她，豁出去接拍三級片《鴨王》博到盡露點演出。不過為她帶來人氣的卻是她的是非，除與何佩瑜（Jeana）、唐紫睿（Hazel）兩女先後傳不和，何浩文亦點名寸她，就連杜汶澤亦曾在網上加入戰團，留言說：「我懷疑你講緊一條八婆。」

【誠心禱告】

袁嘉敏走到教堂最前排位置跪低祈禱。

【念念有詞】

禱告期間，袁嘉敏一直念念有詞。

【開心吹水】

和朋友傾電話，袁嘉敏才心情轉好。

神情落寞

然而，袁嘉敏全裸演出後，人氣亦返回起點，早前與外籍男友Kenneth分手後，未有工開的她頓變「雙失」，大前日下午約5時，穿貼身粉色衫加透視外套的她，獨個兒由灣仔行去中環聖若翰座堂，神情落寞，途中更先去了一間書局打書釘，大約半小時後再行去旁邊的教堂。

袁嘉敏和老外男友Kenneth已經分手。

資料圖片
關門先走

走入教堂後，袁嘉敏隨即走到最前排位置跪低，然後一直念念有詞祈禱約半小時，直至教堂6時關門才離開。她之後坐在教堂外的長凳發呆，若有所思，其後更拿出電話，從不同角度影教堂的外觀。不過影相期間有電話打入，她突然心情變好，七情上面跟電話中人傾足20分鐘，惟雀躍心情只維持了短時間，掛線後她又再回復木無表情，然後慢慢由中環向灣仔行去。

採訪、攝影：陳辰、楊浩賢
from:http://hk.apple.nextmedia ... 160925/19780859

TOP

3^# 大中小 young 發表於 2016-10-23 16:10 發短消息

Jeana寸「識佢米奇老鼠」阿澤暗嘲袁嘉敏係「猿糞」

今年31歲嘅袁嘉敏(Candy)，參加2009年香港小姐，奪得最上鏡小姐後入行。當年Candy選港姐都叫做有後台o架，提名佢嘅就係影后級人馬吳君如，擁有34D上圍嘅Candy，仲俾君如姐叫做「大波Candy」o添！

加入大台後，Candy嘅工作並唔多，主要做吓主持咁，拍劇並唔多，直至11年佢接拍《潛行狙擊》，戲入面做張國強嘅情婦，先開始被人認識。

工作亦開始增加，是非亦開始多，好似12年佢就同o靚模許穎(Phoebe)齊為一套動畫電影《神秘之法》配音，兩女就各自話係套動畫嘅主角配音，仲喺旺角宣傳時鬥嘴，火藥味甚濃。之後Candy仲係微博度，暗寸Phoebe叫佢：「醒少少喇！」

Candy之後離開大台埋咗王晶堆，做咗「晶女郎」，Candy亦豁咗出去，接拍三級片《鴨王》，仲要全裸滿出，真係好搏架，唔知係咪搏得制。今次Candy又再同戲中嘅對手鬧不和！

首先，佢就同Jeana(何佩瑜)，Jeana就以「識佢米奇老鼠」嚟寸爆Candy，之後Hazel(唐紫睿)就話佢成日黑面，咁Candy就即刻喺微博還話有人利用佢做新聞。

三個女人都已經一個墟架喇，點知連男主角何浩文（Dominic）都要加埋入去圍攻Candy，令到Candy感到被孤立。Dominic就曾經喺fb到留言：「我真係冇興趣玩埋小學雞遊戲，自己唔知自己咩有問題就問下其他人發生咩事，點解自己被針對。」呢段留言，仲引咗曾經同Candy一齊拍《3D豪情》嘅杜汶澤加入戰團，阿澤留言話：「我懷疑你講緊一條八婆。」之後阿澤仲講到：「其他人同佢，就係佢哋之間嘅猿糞。」令人聯想到呢督「猿糞」就係袁嘉敏。
from:http://hk.apple.nextmedia ... 160925/19781188

TOP

4^# 大中小 young 發表於 2016-10-23 16:51 發短消息

袁嘉敏失戀病倒入院

袁嘉敏坦言有人追，但要觀察多一段時間才敢再拍拖。

袁嘉敏、李美琪、張立基及黃淑儀等前晚出席電影首映，袁嘉敏收起性感現身，她說：「之前可能太攰，搞到肚又唔舒服，頭又暈又發冷，所以入院瞓咗一晚。」又透露之後會以新人價接拍兩部電影。問她可想找個男伴照顧自己？她笑言：「想請多兩個助手同我斟茶遞水囉！」然後又說：「係有人追，但重創之後要睇定啲，唔想𠵱家拍到聖誕又分手，一年受兩次重創。」

此外，牛雜妹李美琪前晚帶着腳傷出席，她透露在日本拍攝game show一個打鬥場面時弄傷左腳舊患，故本來跟一個300磅肥妹打擂台都取消了，經理人指她因禍得福。

採訪、攝影：卓寶花
from:http://hk.apple.nextmedia ... 160930/19785841

TOP

5^# 大中小 young 發表於 2016-10-24 19:31 發短消息

袁嘉敏驚傷面拒格鬥

袁嘉敏同唐文龍前晚喺銅鑼灣出席《烈探狙擊：誓不回頭》電影特別場，着白色低胸裝嘅袁嘉敏，同着白色T恤嘅唐文龍好合襯，問袁嘉敏同唐文龍有冇發展？佢話：「唔會啦！我成日飛，真係要喺飛機上面識男仔。」

問袁嘉敏最近推咗ViuTV真人騷《G-1格鬥會》第二集，佢話：「我好善良，打唔落手，又唔夠其他女人狠，而且我冇整過，傷咗塊面要用錢修復就唔好啦！」

撰文：馮仁昭
from:http://hk.apple.nextmedia ... 161020/19806093

TOP

6^# 大中小 young 發表於 2016-10-25 21:13 發短消息

袁嘉敏俾細龜抽水

袁嘉敏（Candy）同細龜黃一山合作拍微電影《深夜咖啡館之少女失蹤》，𠵱家喺網上播緊，電影以懸疑為主題，戲中擁有34D上圍嘅Candy，不時要以短裙同激凸上衣同細龜做對手戲。有一場戲佢仲要色誘細龜時，俾佢拍屁股抽水，細龜大讚Candy拍落非常有手感。今次細龜有別於以往飾演俾人蝦嘅角色，喺《深》片入面飾演一名黑幫大佬，殺氣騰騰又不失搞笑。

撰文：馮仁昭
from:http://hk.apple.nextmedia ... 161025/19811096

TOP