現年37歲、去年由有線過檔無線主持《東張西望》的李潤庭，上月才與空姐老婆Crystal慶祝結婚5週年，原來幸福背後有暗湧。大前日李潤庭終被踢爆背妻偷嗒人妻Tiffany，昨日他現身將軍澳電視城開記招，除攬上身認錯外，更表示太太Crystal此刻選擇離婚，他也結束與小三的關係，工作上則暫時停工，花心男頓變「雙失中佬」。
無線節目《東張西望》主持李潤庭大前日被爆出軌，趁空姐老婆Crystal離港，即帶小三Tiffany返其荃灣寓所偷情。事件曝光後，李潤庭形象插水，他由北京公幹返港，昨日被召喚返將軍澳電視城「照肺」，還見傳媒公開道歉及交代事件，歷時約7分鐘的記者會，李潤庭6次強調「係我嘅錯」，眼濕濕的他兩度鞠躬致歉。
昨午1時半，李潤庭返電視城見高層余詠珊後，便開記者會。著灰色長袖衫、戴上眼鏡的他先企定讓記者拍照，他先說：「我喺度向受影響嘅屋企人、太太講聲『對唔住』，呢件事完完全全係我一個人嘅錯，我覺得我應該行出嚟一力承擔，我鄭重再次向受影響嘅人致歉。」說罷更站起來鞠躬。
【兩度鞠躬】
7分鐘的記者會，眼濕濕的李潤庭兩度鞠躬致歉。
【眼泛淚光】
「我一個人承擔」
李潤庭表示會為過錯負責：「非常過意唔去，呢個時候，除咗認錯，要做番個男人承擔責任，希望所有傷害可以停止，呢件事我一個人承擔就可以。」問無線有處分嗎？他說：「我唔知公司有乜嘢決定，如果有，我欣然接受。」
偷食事件曝光後，李潤庭直認有與老婆聯絡，他覆述老婆所說：「傷心，失望。」至於是否仍跟小三聯絡？他說：「處於冷靜期，唔應該再去聯絡。」他表示會結束婚外情。問婚外情維持了多久？他說：「呢啲冇需要再講，唔想再去傷害，再挖多啲嘢。我只係覺得我對唔住兩邊屋企人。」早前李潤庭曾指太太早知小三存在，他昨日解釋：「『一早』意思係報導出之前，唔係話好耐之前。」問會否離婚？他續說：「我絕對尊重Crystal決定，佢呢一刻選擇離婚，我冇選擇權。」他更表示現時與太太分房瞓。
李潤庭直認太太Crystal選擇與他結束5年婚姻關係。資料圖片
小三Tiffany被爆近日考獲瑜伽導師資格。讀者提供圖片
余詠珊前晚表示愛將李潤庭心情難過。
向外父外母道歉
李潤庭承認有向外父外母道歉，他說：「令咁多人面對呢個咁尷尬情況係我嘅錯。」他自爆暫時未與父母溝通，問父母是否生氣？他即眼濕濕，並說：「應該係。」李潤庭拒談有關Tiffany及是否認識女方丈夫何俊傑的問題，他只是再次道歉，便隨即離開。記者追問是否會停工？無線企業傳訊部助理總監蘇燦榮代答：「短時間會停咗先。」
李潤庭於11年與Crystal結婚，他於上月24日還在facebook貼出當年婚紗照慶祝結婚5週年，翌日老婆離港工作即作反。今年7月，他與穿背心短裙的Tiffany在赤柱偷會，毫不避忌攬著小三摸pat兼濕吻，而Tiffany被揭是有夫之婦，並育有兩名子女，四角關係複雜。
撰文：劉敏
from:
http://hk.apple.nextmedia ... 161210/19860527
