香港首位華人女騎師上年離婚江碧蕙下月嫁網球教練

江碧蕙回流香港數月，由友人介紹下結識混血網球教練Jerome，二人將會下月閃婚。資料圖片
40歲的香港首位華人女騎師江碧蕙於去年7月離婚後，火速撻著法國、西班牙及波蘭混血網球教練Jerome。兩人同經歷過婚姻失敗，拍拖至今大半年，處於熱戀期，上週更入紙申請「閃婚」，昨日江碧蕙受訪時表示婚期將於下月中，大讚未婚夫浪漫。

香港首位華人女騎師、40歲的江碧蕙去年7月在facebook宣佈與法籍騎師丈夫李格力結束19年婚姻，原因是因瞭解而分開，二人的兩名兒子留在法國生活，江碧蕙就獨自回流香港重新開始，當中她簽了經理人公司，又重執馬鞭教騎馬，目前學生有陳蕊蕊和梁芷珊等。

江碧蕙和Jerome上週二入紙申請結婚。攝影：卓寶花

江碧蕙愛挑戰，現重執馬鞭教騎馬。互聯網圖片
同是失婚

江碧蕙事業上有新發展，感情生活亦火速有喜訊。去年11月她在港出席畫展活動時，帶同法國、西班牙、波蘭混血網球教練新男友Jerome Lacorte現身，大方公告戀情，當時還透露二人相處開心，戀情順其自然，但相信他們是火速發展就真，江碧蕙不但早已帶男友見家長，拍拖大半年已談婚論嫁，本報日前發現兩人已於上週二入紙申請註冊，根據填寫的資料，42歲的Jerome也是離婚人士，二人報住跑馬地同一住址，估計已同居。記者前日致電江碧蕙道賀，她表示希望低調處理，到昨日再受訪時就表示收到不少朋友祝福：「婚禮喺3月中舉行，唔會大搞，會同屋企人慶祝，都會有婚紗、裙褂等儀式。」

問到求婚儀式，江碧蕙笑言浪漫的Jerome未有特別營造驚喜：「乜都冇，佢淨係開口向我求婚，我覺得我哋timing好啱，大家情投意合，大家都鍾意做運動，相處得嚟，緣份係一剎那，唔會諗咁長遠，我信命，係天時地利人和，好amazing搵到一個咁夾嘅人，我第一段婚姻早結婚冇乜拍過拖，今次返嚟重新生活，要有一段時間面對，佢嘅出現，畀到我想要嘅嘢，畀到安全感同令我開心，已經足夠。」


江碧蕙與Jerome相當夾，拍拖數月已火速帶他見江媽媽。互聯網圖片

江碧蕙於97年下嫁大她11年的騎師師兄李格力，二人婚姻維持了19年至去年7月離婚。資料圖片
不打算生

提到兩名兒子會否返港出席婚禮，江碧蕙說：「小朋友已知道，佢哋冇所謂，我開心就得，嗰時候係返緊學，希望可以安排佢哋返嚟慶祝，佢哋之前見過相，未見過Jerome真人。」再問到與Jerome會否要小朋友，她坦言：「我哋都唔係20歲，都過咗一半人生，同埋已傾好唔會生小朋友，我年紀都咁大，個仔都16歲，就係唔使要小朋友先浪漫，佢係好浪漫，唔係都唔嫁佢，總之開心就得。」

感情路上江碧蕙非常果斷，於1997年以21歲之齡下嫁年長她11年的騎師李格力，之後隨丈夫長居法國，因患上腎組織病變不可以自然懷孕，不過為了組織完美家庭，22歲進行人工受孕，試足三年到第九次才成功生下大仔李國銘，再隔三年竟意外地以自然懷孕方式誕下細仔李國寶，兩名兒子現分別16歲及13歲。

採訪：卓寶花、唐如
from:http://hk.apple.nextmedia ... 170203/19915996

40歲的江碧蕙自言已過大半生，命途有過不少波折。家底原不錯的她，父親經營印刷生意，不過她性格不愛讀書，16歲讀中三時去了馬會應徵考首屆女騎師學員，受訓不久父親的印刷廠被叔叔吞佔遭勒令破產，加速了她人生成長。

踏上策騎之路，江碧蕙成為首位華人女騎師，師承名師賓康，於95年、以19歲之齡策騎「大瀑布」贏得首場頭馬（圖）。兩年後閃嫁法籍騎師李格力，而她策騎的數年生涯，受傷無數，婚後第二年被驗出腎臟組織變異，要服用類固醇，22歲被迫結束騎師生涯，亦患過抑鬱症，由於被腎病困擾，更令她經歷了九次人工受孕。
from:http://hk.apple.nextmedia ... 170203/19916004

江碧蕙16歲成為香港賽馬史上首位華人女騎師，與鍾麗芳、余詠詩和簡慧榆等三位見習女騎師合稱馬壇上的四小花，而90後的蔣嘉琦則是現役唯一一位女騎師。

簡慧榆為簡炳墀愛徒，被譽為天份最高，可惜於99年策騎「漢廷之寶」墮馬身亡。鍾麗芳與江碧蕙同期出道，師承練馬師岳敦，最先贏得頭馬，並是首位贏得盃賽的女騎師，98年掛靴的她，現時擔任馬房領班。余詠詩與弟弟余健誠及余健雄三姊弟曾同一時間在香港策騎，她也客串過無綫劇集《勇往直前》，於千禧年掛靴，現任苗禮德馬房副練，是香港史上唯一女副練馬師，前夫為騎師薛順強，二人育有兩子。
from:http://hk.apple.nextmedia ... 170203/19916007

甄子丹、汪詩詩
娛圈戀情瞬息萬變，快上快落。甄子丹與汪詩詩拍拖3個月就結婚，相當快速。

六個月

梁詠琪2011年2月在紅館個唱時認識西班牙男友Sergio Crespo Gutes，拍拖半年火速結婚，婚後育有一女。

三個月

甄子丹在2003年一次飯局上，認識了年輕自己20年的汪詩詩，拍拖3個月後結婚，婚後13年依然恩愛，二人育有一女一子。

兩個月

徐淑敏港姐出身，素有「咪神」之稱，跟年長12年的黃浩於2009年在飯局偶遇，拍拖兩個多月後即奉子成婚，婚後育有三女。

49天

徐熙媛（大S）2010年跟年齡細五年的富二代汪小菲在朋友飯局中認識，由戀愛到結婚只用了49天時間，婚後育有一女一子。
from:http://hk.apple.nextmedia ... 170203/19916015

提起江碧蕙，一諗到嘅必定係香港首個華人女騎師，喺策騎生涯中，贏過唔少頭馬，見盡都係佢風光嘅一面，但佢嘅前半生（佢今年只得40歲咋！），其實唔係真係咁一帆風順。

出身於富裕之家嘅江碧蕙，喺5年前接受《蘋果》訪問時透露自己唔鍾意讀書，但一個機會，改變一生：「中三嗰年，遇正馬會招聘首屆女騎師學員，嗰時受訓有宿舍，我又鍾意騎馬，就膽粗粗試吓！媽咪唔贊成，好在公公幫口，我先得償所願。」佢又坦言因為細細個就跟住馬會會員爸爸去雙魚河騎馬，令佢佔優：「一星期三堂，學策騎同跳欄，嗰時好多報名受訓嘅學員，根本連馬都未見過，我識得騎，自然佔優，最後成功獲得取錄。」

做慣上等人嘅江碧蕙，受訓不久，爸爸間印刷廠被合股嘅叔叔鳩佔鵲巢，江爸爸被踢出局，更被勒令破產，令身為大女嘅江碧蕙更加唔衰得，加倍落力，決定要做出成績。千金小姐一夜間被迫長大，日夜操練，終於1993年12月29日首度策騎「玉璽」出賽，到1995年，更喺策騎「大瀑布」時首次贏得頭馬，於馬圈中闖出頭。

不過，喺成功背後，江碧蕙付出唔少代價，除咗汗水，仲有健康，佢坦承：「騎馬係高危運動，短短數載騎馬生涯，數不清由馬背掉下多少次。」更甚嘅係，江碧蕙喺1998年，亦即嫁畀李格力嘅第二年，證實患上腎組織病變，要服用類固醇藥物控制病情，令其騎師生涯告終；另一方面，心急做媽咪嘅佢亦被宣佈唔可以自然懷孕，令佢更怨。

江碧蕙承認自己一度抑鬱，幸獲老公陪伴走過最艱難嘅日子，而江碧蕙亦正面面對疾病，決定活在當下。江碧蕙以人工受孕方法，用咗3年、試到第9次先成功誕下大仔李國銘（Samuel），3年後一次意外下，自然懷孕，生埋細仔李國寶（Anthony），江碧蕙雖然退下騎師身分，變成居法嘅師奶，但佢受訪時，話自己樂在其中：「因為呢一切，得來不易。」

儘管江碧蕙同李格力嘅婚姻最後還是觸礁，舊年離婚收場，但佢再遇上第二春，今年3月嫁俾混血網球教練Jerome Lacorte。至於江碧蕙嘅騎師生涯，雖然亦無奈畫上句號，但佢近年重執馬鞭，轉為教騎馬，仲可以將佢嘅經驗同騎馬嘅熱誠宣揚開去。
from:http://hk.apple.nextmedia ... 170808/20115158