影視、娛樂交流區

主頁 上一頁
黎明詩認出櫃︰傾嚇傾嚇就一齊
young@2017-05-29 18:31


年約50歲的前歌手黎明詩,90年代出道時憑一身東洋味吸引到當時一班少男注意。她於98年結婚嫁給銀行家老公後急流勇退,04年婚姻出現問題,近日她被雜誌影到與一名同性女子Kelly過從甚密。昨日黎明詩出席活動,大方承認出櫃,更指「啱啱同Kelly開始咗,我啲朋友、老公都知」,但受到前一段婚姻影響,暫未有結婚打算。

年約50歲、90年代歌手出身的黎明詩,昨日與譚順生在銅鑼灣HMV為「中國新歌聲第二季香港站終極複賽」擔任評判。近日經常出入馬場的黎明詩,早前被週刊拍到跟同性密友Kelly出雙入對,去年4月更一起出席睇關淑怡演唱會,有指二人已經同居。昨日黎明詩在完成評判工作後接受訪問,大方承認出櫃,但否認與Kelly同居。

黎明詩與同性密友Kelly由好友變成戀人,二人去年結伴睇演唱會。資料圖片

歌手出身的黎明詩(右),直言有意復出。

性格好夾

黎明詩表示昨日是應邀擔任評判,近排因為朋友有馬匹出賽,所以經常在馬場出現。問到與Kelly是如何開始及誰人主動時?她笑笑口回應說:「我哋喺由朋友開始,傾嚇傾嚇就一齊,你明啦。啱啱同Kelly開始咗,我啲朋友、老公都知,我生活得好開心同健康,已經去到另一階段。我接受同性戀,身邊好多朋友都係,接受就得喇。」

對於週刊的報導,黎明詩直言當中有部份是對的,但亦有部份資料錯誤,例如跟Kelly不是幾年前認識。問到她與Kelly的關係及是否有結婚打算時,黎明詩說:「同佢啱啱開始好夾,結婚未知㗎,對上一段婚姻陰影都有影響。起初同Kelly係諗住有個伴,不過大家越嚟越啱傾,可能同佢都係英國讀過書有關。同老公現階段分居,辦緊離婚手續。」

當黎明詩提到Kelly時明顯好開心,她又透露Kelly是自己歌迷,經常都會聽自己的舊歌,她說:「我成日問佢,有冇咁好聽呀?仲話點解唔聽真人唱,如果我復出,佢都支持。」黎明詩表示之前雖然認識不少同性戀朋友,但發展成密友關係,Kelly是第一個。對於跟Kelly是否已經同居時,黎明詩笑說:「我哋分開住,係鄰居,唔係同居。」

當年黎明詩(左)被公司塑造成清純玉女。

黎明詩98年嫁給銀行家老公淡出娛樂圈,至04年婚姻開始出現問題。資料圖片

黎明詩活躍於90年代歌壇,曾於張立基歌曲《異性相吸》曬rap功。互聯網圖片
有意復出

黎明詩早年離開娛樂圈嫁人後,從事過兩年保險業,之後回到英國幫手打理家族生意,而她稍後亦會跟友人合作,搞健康產品生意。黎明詩自言有興趣復出幕前,因為仍然好喜歡唱歌,現在不時都會到卡拉OK唱歌,她說:「不過暫時面對鏡頭都係唔係好習慣,要時間適應,不時都會同圈中人阮兆祥、上山詩鈉同梅小惠見面。」

採訪、攝影:黃曉妍
from:http://hk.apple.next ... 529/20036936

上一頁 回覆 新主題 主頁
查看完整電腦版 返回影視、娛樂交流區