【埋單鬆人】
周柏豪與太太Stephanie本月7日在筲箕灣食米線，認真平民化。
讀者提供圖片
【爆相爆片】現年32歲的歌手周柏豪，去年11月與拍拖逾十年的女友Stephanie Chu在泰國布吉秘密結婚，婚後周柏豪極度保護太太，鮮有攜同太太合體出席公開場合。不過，日前有讀者林小姐透過本報「爆相爆片」報料，指發現周柏豪與太太孖住到筲箕灣搭枱食米線，認真平民化。
【百萬靚車】
一身潮人打扮的周柏豪夫婦，一落車即走入米線店搵位。
【黑超跟身】
周柏豪夫婦搭枱開餐，初時柏豪還戴黑超免被人認出。
【餵飽嬌妻】
柏豪夾餸給老婆，相當體貼。
周柏豪和Stephanie由拍拖至結婚都保持低調。資料圖片
表現煙韌
林小姐表示本月7日見到周柏豪夫婦現身筲箕灣東大街食酸辣米線，雖然周柏豪與太太拍拖逾十年，但二人依然相當甜蜜蜜。當日周柏豪穿上黑衫、黑色短褲和戴上黑色cap帽，Stephanie則穿上紅白格仔鬆身裙，並將部份頭髮束起，一副潮人打扮。
林小姐說：「嗰日周柏豪同老婆入去間比較平民嘅米線舖食晏，其實間舖好細間，得五、六張細枱，不過佢哋都唔介意搭枱。見佢哋都幾煙韌，周柏豪久唔久都會夾餸畀老婆，老婆又遞紙巾畀佢。佢哋食咗大約20分鐘就走人，周柏豪負責埋單，不過見佢好似冇帶散紙，就問咗老婆攞幾十蚊找數，兩公婆有商有量。」
揸名車走
原來開餐前周柏豪一直戴住黑超免被人發現，直到食米線時先將黑超除下，所以舖頭內未有人認得他。後來周柏豪食飽飽，離開時再戴上黑超，並急步與太太登上停泊在附近過百萬的Benz四驅車離開。
外形花弗、實則深情的周柏豪，曾表示對太太Stephanie一見鍾情。月前他舉行演唱會時，便在台上多謝太太一直給他鼓勵，又說：「當時我好瘦，佢（老婆）仲稱呼我做瘦奀茄，我自己好多嘢都唔識，塊面爛晒，自己又有驚恐症，九個月冇出街，佢畀好多鼓勵我，我嗰時就喺屋企學琴學寫歌。」他又表示自己零收入時，經濟上都要依賴太太支持，二人一起逾十年，相處之道就是包容，所以二人多年來也甚少吵架。
採訪：王梓嫚
from:
http://hk.apple.nextmedia ... 170627/20069559
