影視、娛樂交流區

主頁 上一頁
黎明相隔23年回歸螢幕戲癮發拍內地劇
young@2017-06-07 17:43


黎明重返公仔箱拍劇的消息一出,令外界十分期待。資料圖片
有「金句王」之稱的黎明(Leon),在無線時期曾經跟陳松伶合作劇集《天涯歌女》,但和李綺紅、宣萱合作完《阿Sir早晨》之後暫別電視圈,主力在影壇及歌唱界發展。想不到相隔23年後,Leon再接拍內地長篇電視劇集《莫語者》,還要一拍就拍足40集,相信令不少fans感到驚喜。

黎明上一次拍劇,已是23年前的《阿Sir早晨》。劇照

《原振俠》中黎明(右)和李嘉欣(中)的演出令人回味。劇照
粉絲勁期待

對於黎天王重現電視螢幕前,不少內地網民都以「王者歸來」來形容,有人更將他當年拍的《天》劇、《回到未嫁時》、《人在邊緣》、《今生無悔》及《原振俠》等劇照逐一貼出來分享,表示非常期待Leon的作品面世,亦有網民奇怪為何他會紆尊降貴拍電視劇。

據知,內地各大電視台一直都希望可以邀到Leon出山拍劇,不時都會提供劇本及開出天價,希望能打動對方。事實上,拍劇時間較長,貴人事忙的Leon一直都婉拒邀請,直到近日他終於被打動接拍《莫》劇,劇中他飾演一名特種部隊成員,除了會在內地拍攝外,更會遠赴摩洛哥取景。

摩洛哥取景

而出道時被指外貌跟黎明相似的吳京,早前自編自導自演過一部同樣講述特種兵的電影《戰狼》,在內地大收,更開拍了續集《戰狼2》,將於今年內上映。

近年黎明越來越貼地親民,去年更放下天王包袱,參與內地真人騷節目,跟其他藝人玩得非常癲。雖然有網民不認同他降格,但亦有人表示欣賞他我行我素的性格。

採訪:小米
from:http://hk.apple.next ... 606/20045455

#1 無份拍《超級學校霸王》黎明扮gay扮賭神一樣掂!

作者: young@2017-06-07 17:43:38
香港娛樂圈藝人出晒名多才多藝,而早喺80年代已經有歌影多棲發展嘅生態出現,特別係當年一齣《超級學校霸王》,雖然黎明未有參與,但能夠搵黎多位紅星甚至係紅極一時嘅四大天王其中三位演出,可以話係轟動一時,到o依家都時不時被網民拎出嚟「翻叮」回味。

而四大天王除咗歌唱了得,拍電影方面亦令觀眾非常驚喜。劉德華、張學友、黎明、郭富城四位都演技精湛,戲路又夠廣,愛情片懸疑片甚至喜劇都可以見到佢哋嘅蹤跡。

黎明早喺1986年借參加新秀歌唱大賽出道加入大台,最初竟然唔係發展歌唱事業而係被安排去參與電視劇嘅演出,出奇地發掘出演戲天份,開始接觸電影圈,1995年拍攝紀念鄧麗君嘅電影《甜蜜蜜》,溫文儒雅嘅形象成功擄掠全球少女心,雖然金像獎輸咗俾鄭則仕,但係部戲就喺金像獎掃咗9個獎,相當犀利,以為黎明賣靚仔會繼續拍愛情片啦,你又估唔到1996年佢接拍王晶嘅《賭神3之少年賭神》,戲中又要夠型又要扮儍,都幾考演技㗎!不過去到02年嘅時候,黎明仲憑《三更之回家》首次榮膺金馬影帝。

到咗1997年黎明將喜劇同愛情片嘅天份合而為一,同鄭秀文拍攝《愛你愛到殺死你》,劇情輕鬆幽默,而且戲中有多首兩人嘅金曲,當年都十分受年輕人歡迎。經過歲月嘅沉澱,近年黎明喺電影路上開始出演更加深入嘅角色,例如2008年飾演一代京劇大師嘅《梅蘭芳》,揉合故事、歷史與虛構,以虛實交錯的敘述方式,記述一代京劇名人嘅生平。

其實黎明仲有好多精彩角色,例如《十月圍城》中嘅落泊公子乞兒、《火龍》當中嘅火爆警察等,演技越浸越出嘅黎明最近仲接拍咗長40集嘅大陸劇集,令大家都非常期待佢嘅演出。

啱啱講到四大天王獨欠黎明,其實黎明唔係冇同其他天王一齊過拍戲㗎,好似92年喺《明月照尖東》同學友合作過,同年黎明就喺《龍騰四海》客串演殺手,同劉德華同戲演出。
from:http://hk.apple.next ... 606/20045920

#2 獨欠黎明未做老竇

作者: young@2017-06-28 01:47:31

張學友、黎明、劉德華、郭富城
四大天王張學友、黎明、劉德華與郭富城,於80、90年代在香港樂壇創出傳奇。96年學友與羅美薇結婚,之後育有兩女瑤華及瑤萱;華仔亦於08年低調迎娶朱麗倩,愛女向蕙今年已5歲,朱麗倩早前被拍到帶囡囡行平民街市。

朱麗倩早前被拍到帶囡囡行平民街市。

至於城城月前終於成家立室,雙喜臨門,有指太太方媛已懷孕5個月;黎明09年被傳媒揭露在08年秘密與樂基兒在美國拉斯維加斯註冊結婚,12年離婚,樂基兒日前宣佈於8月再嫁,而黎明仍是單身。
from:http://hk.apple.next ... 627/20069496

#3 黎明廣州騷遭拖數

作者: young@2017-08-15 20:24:07

據知黎明被拖欠六百萬製作費,但他照演出免歌迷失望。微博圖片
黎明(Leon)前晚於廣州舉行「Leon Random Run中國巡演之廣州站」期間,突然在台上說:「今次演唱會發生咗啲事,就交畀佢哋同公司處理啦!以後買飛唔好咁急,搵啲國家認可、合法嘅票務。」

據知,原來是演唱會主辦單位未有履行合約找數,拖欠演唱會製作費,同時有人用鎖死門票方式,再以高價賣票招數放飛,令歌迷變相要以高價買門票,令Leon十分心痛。有疑似知情網民前晚在微博發文,指Leon被拖欠高達600萬製作費。雖然根據合約,Leon有權拒絕上台,但據悉Leon知道有觀眾專程去廣州捧場,為免歌迷失望及損失,所以才堅持如期開騷。

採訪:小米
from:http://hk.apple.next ... 814/20120641

上一頁 回覆 新主題 主頁
查看完整電腦版 返回影視、娛樂交流區