藝人朱千雪、森美及小儀昨午到銅鑼灣出席活動，朱千雪表示剛從加拿大探親返港，期間被妹妹傳染病倒：「我哋三姊妹2、3年冇聚過，今次約埋返老家，難免成日Girl's Talk，所以好容易傳染。（妹妹戥你拍拖開心？）佢（指男友）同我兩家人識嘅，不過當初愕然嗰個係媽媽，好彩媽媽對佢印象唔錯。」談到農曆新年及情人節，千雪指男友沒有假期，不會慶祝：「不過我哋約埋情人節FaceTime食飯，希望兩年後佢會有假一齊過囉！」
朱千雪與森美、小儀出席活動，大談情人節計劃。
而小儀與森美齊齊受訪，問到會否派大利是給小儀時，森美笑說：「我屋企派利是習慣係長輩派畀晚輩，我驚我畀佢、佢嫁唔出。我年年都去旅行避年，如果見到生得多小朋友過我嘅，好似陳豪咁，直頭唔畀佢入屋添呀！」
朱千雪視像見男友
朱千雪（左）、森美與小儀昨日於銅鑼灣出席賀年活動，千雪病了兩星期，原來之前返加拿大時給妹妹傳染，千雪說：「已經兩、三年冇見過兩個妹，我哋一齊返溫哥華，仲瞓同一張床、傾偈，又睇番細個嘅相同片，大家喺唔同地方做嘢，臨走時都喊。」問到如何跟男友過情人節？千雪說：「我哋識咗好耐，今年應該係我哋嘅第一個情人節，佢喺新加坡，我哋約咗喺FaceTime食飯。」
