連詩雅日前去超市買餸，但身旁並非男友。讀者提供圖片
【爆相爆片】連詩雅（Shiga）和百億麻雀館太子爺石恆聰分手後，去年認愛音樂人徐浩，早前Shiga被爆欠租羅生門，徐浩更在社交網力撐女友，不過日前Shiga被讀者李小姐「爆相爆片」影到去超市買餸玩煮飯仔，但身邊男伴不是徐浩。李小姐表示：「見到Shiga好嗲咁望住男伴，仲企到S形咁挨一挨對方。」
連詩雅昨日主動解釋陪她去超市的是表弟。
Shiga昨日到銅鑼灣為ViuTV節目《歌度有榜》做嘉賓，主動解釋：「話我好嗲咁望住佢，嗰個係我表弟，感覺好奇怪，好似講我暗戀表弟，𠵱家辦年貨都要小心啲。」同場的鄭融透露年三十晚會整蘿蔔糕和南瓜糕孝敬長輩，認為多工序都值得。
採訪：黃曉妍
攝影：陳慧安
連詩雅獲「亞太區」歌手獎
歌手連詩雅與鄭融昨日在銅鑼灣首度為ViuTV節目《歌度有榜》錄影，獲頒「亞太區」女歌手獎的連詩雅說：「個獎喺亞皆老街同埋太子區做調查，睇吓途人識得邊個歌手而頒發，幾得意，我以前放咗學成日都喺『亞太區』出沒。」連詩雅指年初一會由內到外穿紅色取好意頭，鄭融則於年三十晚親手炮製蘿蔔糕及南瓜糕送親朋。
鄭融、連詩雅
