《學是學非》有新「是非精」今次係女神鄺潔楹你buy唔buy？

無綫綜藝節目《學是學非》深受觀眾喜愛，長做長有，由2013年開始播出，最初只有梁嘉琪、李佳芯及黃心穎三位「是非精」，之後再加入麥美恩，2014年底再加入張秀文及湯洛雯。「是非精」上年進行大換血，黃心穎、張秀文、李佳芯就唔再做，舊班底淨返麥美恩、湯洛雯、梁嘉琪，再加入港姐馮盈盈、劉穎鏇、張寶兒做新一代「是非精」。做得「是非精」嘅都已經係女神級數，最近又有新成員加入，今次係女神鄺潔楹（Judy）。

今年25歲嘅鄺潔楹，自從有份參與《愛回家之開心速遞》飾演校園女神Venus及拍《3日2夜》遊台中後，深得網民愛戴，大讚佢「青春無敵」、「GFable」，更指佢充滿清純天真味道。網民知道佢將加入《學是學非》後都留言恭喜佢，更有網民話佢最期待嘅畫面出現啦！

唔知大家又對有新「是非精」加入有咩睇法呢？






《學是學非》鄺潔楹